Бу ыйга Саха сиригэр салгын температурата нуорматтан быдан үрдүк буолара күүтүллэр

Хас биирдии сөкүүндэ, мүнүүтэ күндү. Суһал көмө массыыната ыарыһахха ыксыыр. От ыйыгар өҥүрүк кыраадыс сатыылыыр. Таһырдьа 30 кыраадыстан лаппа тахса. Онон ыҥырыы быыстала суох киирэр.

Суһал көмө массыыната кондиционердаах буолан биригээдэҕэ да ыарыһахха да олус табыгастаах. Билигин баар көлөлөр бары бу курдук толору хааччыллыылаахтар. Саха сирин киин, соҕуруу, уонна арҕаа улуустарыгар муҥутаан итийэн турар. Күнү дьылы кэтээн көрөөччүлэр өссө да 35 кыраадыстаах итии түһүө диэн этэллэр.  Этиллибитин курдук куйаастан ордук дьарҕаа буолбут ыарыылаахтар оҕустараллар. 

Марина Торонова, Дьокуускайдааҕы суһал көмө станциятын кылаабынай бырааһын солбуйааччы: «У нас увеличилось количество вызовов по головокружению, головной боли – все признаки перегрева. Увеличилось количество заболеваний сердечно-сосудистой системы. Нагрузка на бригады из-за этого значительно вырастает».

Күҥҥэ ортотунан Дьокуускайга  уопсайа 360 ыҥырыы киирэр. Маныаха суһал көмө киинигэр тэҥинэн 7 исписэлиис төлөпүөҥҥэ үлэлиир. Мантан иккитэ быраас. Звонок тохтоло суох тыаһыыр. 

Андрей Павлов, Дьокуускайдааҕы суһал көмө станциятын кылаабынай бырааһын солбуйааччытын эбээһинэһин толорооччу: «Итии кэмҥэ ыҥырыы элбээтэ, сүрэх ыарыыта да баар, күн уотугар оҕустарыы да. Икки төгүл курдук элбээтэ. Газировкаттан, кофеттан аккаастаныахха наада, арыгы иһимиэххэ наада. Боростуой уу ордук буолуо. Чэпчэки сырдык таҥас кэтиэххэ наада».

Дьокуускай аспаал сыралҕаныттан өссө итийбиккэ диэри буолбут. Онон дьон бары күлүк сири талаһар. Оттон оҕолор фонтаҥҥа сөрүүкүүллэр, мороженнай, тымныы утах иһэн өрүһүнэллэр. Куйааска пляж лыык курдук киһи. ууга да кытылга да сөтүөлээччи олус элбэх. Маннык күн-дьыл өссө да икки күн туруо диэн күнү -дьылы кэтээн көрөөччүлэр этэллэр. Онтон өрөбүлтэн син тыын ылыахпыт. Онуоха диэри куйаастан харыстаныы хайаан да наадалааҕын санаталлар.