ХИФУ тутар хампаанньатын үлэтэ салҕанар

Дьокуускай куоракка Хотугулуу Илиҥҥи федеральнай универститекка оскуоланы бүтэрбит оҕолор докумуоннарын туттараллара салҕана турар. Ааспыт сылга холоотоххо улахан уларыйыы суох, ол да буоллар киин тутар хамыыһыйа үлэһиттэрэ кыра уларыйыылары киллэрдилэр.

Елизавета Ильина, М.К. Аммосов аатынан ХИФУ киин тутар хамыыһыйатын эппиэттээх сэкэрэтээрэ: «Кыра уларыйыылары киллэрдибит. Ол курдук, биһиэхэ манна операторы единого окна диэннэр үлэлии олороллор. Кинилэр дөкүмүөн туталлар уонна абитуриеннарга көмөлөһөөччү курдук буолаллар. Абитуриеннар кэлэн көмпүүтэргэ олорон тус бэйэлэр кабинеттарыгар “Госуслуги” нөҥүө киирэллэр, онно көмө буолаллар».

Тутар хампаанньа хас да түһүмэхтээх. Ол курдук, бастакыта "Приоритетный этап" диэн ааттаах ол аата олимпиада призердара, кыайыылаахтара, целевой, тус уонна киирии эксээмэнэ суох квоталардаах дьоҥҥо аналлаах. Иккиһэ "Сүрүн түһүмэх" ол аата  судаарыстыбаннай уонна киирии эксээмэнинэн докумуон хомуйаллар.

Кира Тимофеева, М.К. Аммосов аатынан ХИФУ устудьуона: «Барыны барытын ыйыталлар, биһиги хайдах үөрэнэрбитин игин».

Университет үрдүнэн орто уонна үрдүк үөрэххэ уопсайа 4000 тахса босхо миэстэ баар. Саамай элбэх конкурстаах медиссиинэ института буолар. Бүгүҥҥү күн туругунан 477 киһи бакалавриат уонна специалитет таһымыгар докумуоннарын туттардылар. Үөрэххэ туттарсааччылар идэлэрин инники былааннарын кытары сибээстиир санаалаахтар.

Альберт Лыткин, абитуриент: «Мин спорт суолталаах хайысхаҕа, тоҕо диэтэр оскуолаларга үчүгэй учууталлар наадалар дии саныыбын, үчүгэй тренердэр уонна бэйэм үчүгэй учуутал буолуохпун баҕарабын».

Хотугулуу Илиҥҥи федеральнай университекка билигин улахан үлэ бара турар, хас күн аайы үөрэххэ докумуон туттарар оҕо ахсаана элбии турар. Үөрэххэ докумуону икки ньыманан туттарыахха сөп "Госуслуги" эбэттэр киин хамыыһыйаҕа бэйэ кэлэн.