Дьокуускайдааҕы дьиэни тутар кэмбинээт биир сыл кэннэ

Дьиэ эркинин оҥоруу бастакы түһүмэҕэ - кытаанах тимиртэн сиэккэни оҥоруу. Маныаха былырыын турбут саҥа аппараат үлэни олус диэн чэпчэппит. Сүөрүү, көннөрүү, наардаан  уруу киһи кыттыгаһа суох барар. Инньэ гынан салайыыга биир исписэлиис сөп буолар.

Алексей Алексеев, сыбааркалыыр сыах оператора: "Үлэлииргэ чэпчэки билиҥҥи оборуудабанньанан. Урут үлэ улахан өттө илиинэн оҥоһуллар этэ. Билигин барыта автоматика".

Ити кэннэ бэлэм сиэккэттэн арматура каркаһа оҥоһуллар. Бу түһүмэххэ хайаан да уопуттаах иһэрдии ирдэнэр. Онон илии үлэтин манна туох да солбуйбат.

"Таас эркиннэри оҥоруу бу мантан саҕаланар. Бастаан тимир каркастар сыбааркаланаллар. Бу манна симиэнэҕэ биир тэҥҥэ 40 киһи үлэлиир. Күҥҥэ уопсайа 70 арматура оҥоһуллан тахсар", - Мария Дмитриева, корреспондент.

Дьиэ тутар кэмбинээн саҥалыы тыыннанан үлэлээбитэ сыл буолла. Бу кэм устата саҥалыы хамаанда тэриллэн, оҥорон таһарыыны оннугар түһэрэр үгүс үлэ ыытылынна. Бастакы эрикиннэринэн номнуо "Звезднай" түөлбэҕэ дьиэлэр тутуллаллар. 

Айталина Андреева, "РИА - Строй" хампаанньа оҥорон таһаарар салаатын салайааччы: "Биир дьиэ 3500 кууб буолар. Холобур, билигин биһиги алтыс дьиэбитин бүтэрэн эрэбит. Онтон өссе 6 дьиэ баар буолуохтаах. Ыйтан ый эбиллэн эбиллэн, холобур, үлэһиттэрбитин биир сыл устата бэлэмнээн, билигин номнуо тутаах үлэһиттэр буола сылдьаллар". 

Бэлэм эркиннэр бу кыстанан тураллар. Борордууксуйа оҥоһуллан тахсыыта улахан үлэттэн турар. Аҥаардас бу термостенд диэн ааттанар оборуудабанньаҕа үлэ. Манна исписэлиистэр 70 кыраадыска диэри итийэр үктэл үрдүгэр сылдьан эрэ эркини куталлар. Маннык ураты оҥорон таһаарыы сылы эргиччи биир тэҥник барыытын хааччыйар.

Андрей Сторожев,  "РИА - Строй" хампаанньа сүрүн технолога: "Билигин 3 дьиэ матырыйаала бэлэм сытар. Билигин төрдүс дьиэбитин саҕалаан эрэбит". 

Ол эрэн бу дьиэни тутар кэмбинээт толору кыаҕа буолбатах. Манна саҥардыы иккис түһүмэҕэ бардаҕына үлэ өссө тэтимириэхтээх, оҥорон таһаарыы хас да бүк улаатыахтаах.