"Чолбон" сурунаал төрүттэммитэ 100 сылыгар аналлаах быыстапка арылынна

Өссө биир ураты быыстапка. Төрүт саха тылынан тахсар "Чолбон" сурунаал төрүттэммитэ 100 сылыгар анаммыт  "Чолбон ойуута" диэн ааттаах быыстапка арылынна. Манна историяны кэрэһэлиир, дириҥ ис хоһоонноох 80 тахса экспонат көрдөрүүгэ турда.

Гаврил Андросов - "Чолбон" , сурунаал бас эрэдээктэрэ: "Саха ускуустубата хайдах төрүттэммитэ, хайдах моһуоннааҕа барыта “Чолбон” сурунаалга тахсыбыта. Бу сурунаалга суруйааччылар эрэ буолбакка, худуоһунньуктар, философтар, музыканнар кыттыһан үлэлэспиттэрэ. Ол иһин саха култууратын, ускуустубатын бииһигэ буолбут төрдүн-төбөтүн сыалтан бу быыстапка ырылынна".

Быыста пканы үс сүрүн өйдөбүл хайысхатыгар араарыахха сөп: киһи - бүтүн үйэ култуура хайысхатыгар кодун олохтообут ааптардар, кинигэ графиката - бэчээт тыла уус-уран көстүүтэ уонна олоҥхо - саха героикалаах эпоһын үйэлээх уобарастара.

Мария Шестакова, СӨ национальнай ойулуур-дьүһүннүүр түмэл үлэһитэ: " Амма Аччыгыйа “Сааскы кэм” айымньыны ситэрэн биэрбит ойуулар бааллар. Аны Николай Лугинов “Чыҥыс Хаан” аймньытыгар Дьулустаан Мойтунов үлэлэрэ бааллар. Уус уран айымньылар нөҥүө көрдөрдүбүт. Дьон олус сэҥээриэ дии саныыбыт"  .

Быыстапка үөрүүлээх арыллыытыгар элбэх киһи кыттыыны ылла. Ол курдук култуура уонна ускуустуба эйгэтин үлэһиттэрэ, суруйааччылар, өрөспүүбүлүкэ саҕалтата уонна олохтоохторо.

Олег Сидоров, М.К. Аммосов аатынан ХИФУ суруналыыстыка кафедратын сэбиэдиссэйэ, суруйааччы: "Сурунаалга айымньылары сэргэ иллюстрация тахсар. Холобур, ити өттүнэн эмиэ интэриэһинэй. Ойуулуур-дьүһүннүүр түмэл бу быыстапканы ылбыта олус үчүгэй".

"Чолбон" сурунаал үбүлүөйдээх сылыгар анаан сыл устата араас тэрээһиннэр ыытылаллар. Онтон биирдэстэрэ бу быыстапка буолар. Национальнай ойулуур-дьүһүннүүр түмэлгэ биир ый устата көрдөрүүгэ туруоҕа. Онон олохтоотору, ыалдьыттары быыстапканы кэлэн көрөргүтүгэр ыҥыраллар.