Национальнай бибилэтиэкэ оҥоһуу өйү сайыннарыыга дойдуга инники

"Өрөспүүбүлүкэ Национальнай бибилэтиэкэтэ өҥөһуу өйү туһаммыта 3 сыл буолла. Бу кэм устата элбэх ситиһиилэр бааллар. Ол туһунан киирэн билсиэххэйиҥ", - Күннэй Аар, корреспондент.

Саха сирин национальнай бибилиэтиэкэтэ оҥоһуу өйү туһанан Уһук Илин  уокурукка бастыҥ үлэлээҕинэн биллэр. Бибилэтиэкэ 10 тахса бырайыактаах, кини көмөтүнэн  саха дьоно   төрөөбүт тылларынан араас ыйытыыларга хоруй ылаллар, саҥаттан сананы билэллэр.

Анисия Иевлева, Саха сирин төрүт олохтоох норуоттарын тылларын уонна култуураларын сыыппара эйгэтигэр көһөрөр киин үлэһитэ: “Саха киһитэ бэйэтин төрөөбүт тылынан сорудах биэрэн, кэпсэтэн көмөлөһүннэрэр кыахтаах буолуохтаах. Онуоха биһиги бу оҥоһуу өй мэйиитигэр сахалыы тыллары уган уонна сахалыы саҥаны өйдүүр гына кини мэйиитин сайыннаран, онно элбэх тылы, саҥаны дорҕоону уган, кинини сахалыы суруйар уонна кэпсэтэр оҥоруохтаахпыт".

Нициональнай бибилэтиэкэ быйылгы холоон көрүү бырайыагар Арассыыйа араас регионнарыттан 25 бибилэтиэкэ кыттар. Онон саха уопута дойду атын регионнарыгар кытта тарҕанар.

Айыына Прибылых,  СӨ национальнай бибилэтиэкэтин медиа киинин салайааччы: «Бу бырайыакпыт аата «Глобальная платформа ИИ-решений" диэн. Биһиги бибилэтиэкэбит 100 сылын бэлиэтээбитэ.  Итиэннэ иккис үйэтигэр барыыга саамай улахан хардыыбыт өҥөһуу өйү сайыннарыы.  Бу саҥа хайысханы регион иһигэр туһаныы эрэ буолбакка, Арассыыйаны барытын бэйэтин кэнниттэн илдьэ баран иһэрэ көстөр".

2023 сыллаахтан саҕалаан Национальнай бибилэтиэкэ култуура баайын харайар. Бу маны барытын дьон билиигэ тардыһара күүһүрэрин курдук, оҥоһуу өйү кытта тэҥҥэ тутарга дьулуһаллар.

Ирина Филиппова -  СӨ  национальнай бибилэтиэкэтин медиа киинин үлэһитэ: "Биһиги электроннай бибилэтиэкэбитин хаҥатарбытыгар анал үлэһиттэрдээхпит. Кинилэр сыыппараҕа киллэрэллэр. Онон ханнык баҕар кинигэни сайтан булуохха сөп".

Бу курдук аныгы олох тэтиминэн оҥоһуу өй биһиги олохпутугар киэҥник хардыылыыр, дьиҥ чахчы сайдыыга туһалааҕын дакаастыыр.