Үс Хатыҥ сиригэр суһал сулууспалар малларын-салларын бэрэбиэркэлиир тэрээһини ыыттылар

Улахан кыамталаах тиэхиньикэлэр  Үс Хатыҥ сиригэр тиийэллэр. Бу күн манна ыксаллаах быһыы-майгы министиэристибэтин күүһүн -уоҕун, төһө бэлэмин көрүү ыытыллынна.

Кинилэр көмөлөрүнэн улахан тыал түһүүтэ, ханна ордук элбэх радиация баара онтон да атын ымпыктаах чиничийиини оҥорор исписэлиистэри генерал аан бастакытынан көрдө. Көһө  сылдьар химическэй пуун үлэһиттэрэ төһө бэлэмнэрин билиһиннэрдилэр.

Айтал Колодезников, ЫБММ Саха сиринээҕи салалтатын химик-дозиметриһэ: «Үс прибордаахпыт биһиги: дозиметр – радиометр, прибор химической разведки уонна метеокомплект баар».

Быйыл тустаах биэдэмистибэ саҥа кыра көтөр аалланныллар. Аныгы үйэ тэтиминэн БПЛА-лар күүскэ туһаныллар буоллулар. Ойуур баһаардарын да кэтээһин, дьону көрдөөһүн билигин бу тиэхиньикэтэ суох  сатамматтар. Бу күн барыта тургутулунна, бэрэбиэркэ Дойду таһымнаах.

Семён Кугдаров, ЫБММ Саха сиринээҕи салалтатын гражданскай  көмүскэлгэ салаатын салайаччытын солбуйааччы: «ДФО сүрүн управленията кэлэн бэрэбиэркэлии сылдьар. Бу түмүгүнэн методическай көмө оҥоһуллар».

Бэрэбиэркэни ыксаллаах быһыы-майгы министиэристибэтин эрэ үлэһиттэрэ буолабкка, кинилэри кытары тэҥҥэ үлэлэһэр РЧСС ситимин исписэлиистэрин эмиэ төһө бэлэмнэрэ көрүлүннэ.

Георгий Игнатьев, Роспотребнадзор Саха сиринээҕи салалтатын санитарнай кэтэбил уонна лицензиялааһын салаатын салайааччыта: «Биһиэнэ группа санитарной эпидемиологической разведки диэн. 7 киһилээхпит уонна 1 тиэхиньикэлээхпит. Биһи ууну, сири, аһы отбордаан лабараторияҕа тириэрдэбит».

Маныаха бу күн Үс Хатыҥтан селектор нөҥүө мунньах ааста. Сүрүн боппуруос  Индигиир өрүскэ уу таһымын тахсыыта. Бу хайысхаҕа туох үлэ ыытыллар манна торумнанна.