Быһааччылар күрэхтэрэ бастыҥнары тургутта

Нам улууһун хамаандатын көмүүскүү сылдьар Анастасия Матвеева баһаарынай уолаттартан туох да итэҕэһэ суох мэһэйдээх түһүмэҕи ааста. Кинилэр уонтан тахса киһи буолан оройуоннарын чиэһин көмүскүү сылдьаллар.

Анастасия Матвеева, күрэх кыттыылааҕа (Нам улууһа): "Табыллан сүүрдүм, көрдөрүүм үчүгэй".

Киин куоракка Ыксаллаах быһыы-майгы министиэристибэтин биир тутаах үлэһитин Егор Заровняев сырдык кэриэһигэр анаммыт баһаарынай-быыһыыр спорт көрүҥэр күрэх 12 төгүлүн ыытыллынна. Манна оскуола саастаах оҕолортон саҕалаан, үлэһиттэргэ тиийэ кыттыыны ыллыллар. Нерюнгри, Мэҥэ Хаҥалас, Амма, Уус Алдан онтон да атын улуустар кэлэн илин-кэлин түсүһэллэр.

Иван Данилов, күрэх кыттыылааҕа (Уус-Алдан улууһа): "Үчүгэйдик кытта сылдьабыт. Былыырн уопсай ахсааҥҥа бастаабыппыт. Күрэхтэһээччилэр бэлэмнэрэ олох үчүгэй. Эрчиллиилээхтэрэ тута көстөр".

Мэһэйдээх сүүрүүгэ  кыттааччылар бастаан үрдүгү ыстанан баран, синньигэс мас устун сүүрэллэр.  Уопсай уһун 100 миэтэрэ. Ити кэм иһигэр сорудаҕы толороллор, онтон салгыы бүтэһик биэтэккэ диэри сүүрэллэр. 

Григорий Захаров,  күрэҕи тэрийээччи: "Егор Заровняев  үөрэтэр эрчиллэр полигон салайааччытынан үлэлии сылдьыбыта. Мэҥэ Хаҥалас Төҥүлүтүттэн төрүттээх. Үлэлиир кэмигэр үгүс күрэхтэргэ  кыттыбыта, Уһук Илиҥҥэ тиийэ. Кини салайыытынан үчүгэй түмүктэр бааллар этэ".

Күрэх үрдүк таһымҥа ааста. Кыттааччылар бэлэмнэрэ уонна таһымнара үрдүктэрин бигэргэттиллэр.