Егор Ефимов охсор быһахтара аан дойдуга атыыга хамаҕатык барар
Чурапчыттан төрүттээх Егор Ефимов Саха быһаҕын чочуйан таһаарар. Кини бэйэтин уһаайбатын иһигэр, гарааһын толору уһанар мастарыскыай гына үлэлэтэр. 2020 сыллаахха маҥнайгы үлэтин саҕалыырыгар социальнай грааны кыайан, уһанар тэриллэрин бэйэтэ хаҥатан тимир ууһунан дьарыгырар
Егор Ефимов, тимир ууһа: "Кыра эрдэхпиттэн убайдарым уһаналларым көрөр этим. Бэйэм устудьуоннуу сылдьан уһанан саҕалаабытым. Онтон 2020 сылтан күүскэ үлэлиибин. Тимир үлэтин сөбүлүүбүн. Ол иһин баччааҥҥа диэри дуоһуйа үлэлии сылдьабын".
Егор сыллата ыытыллар уустар түһүлгэлэригэр ситиһиилээх миэстэлэргэ куруутун тиксэр, быһах бастаан оһох иһигэр уһаарыллан тахсар. Ол кэнниттэн хатарыыны ааһан салҕыы чочуллубутунан барар. Быһах оҥорууга күүстээх тулуур ирдэнэр, оҥоһуллар кэмигэр ыксаабакка, тиэтэйбэккэ чочуйан биэрдэххинэ быһах үйэлээх буоларын үллэстэр.
Үйэбит сайдан билигин тимир арааһа баар буолла, урут массыына рессоратын тимириттэн оҥорор эбит буоллахтарына, билигин дьэбин сиэбэт, үйэлээх тимирдэри сүрүннээн тутталлар.
"Биир нэдиэлэҕэ бу мастарыскыайтан 10 быһах бэлэм буолан тахсар. Кинилэр туттар тимирдэрэ AUS-8 уонна Д-2 састааптаах буолаллар", - Петр Дьяконов, корреспондент.
Саха быһаҕа аан дойдуга биллэр биир бастыҥ быһах буолар, бу мастарыскыайтан чочуллан тахсыбыт быһахтары Саха Сиригэр эрэ буолбакка тас дойдуттан эмиэ сакаастыыллар эбит
Егор Ефимов, тимир ууһа: "Казахтан маҕаһыынын нөҥүө Канадаҕа атыыга бара сылдьыбыта, ону тэҥэ Европа дойдуларыгар ".
Егор быйыл Кэбээйи улууһагар 19 төгүлүн ыытыллыр "Уус түһүлгэтэ" өрөспүүбүлүкэ бастыҥ уустарын кытары күөн көрсөөрү бэлэмнэнэ сылдьар