Бүлүүлүүр суолга ыйааһыны хонтуруоллуур тэрили туруордулар

Дьокуускайга Бүлүүлүүр трасса 35 килэмиэтиригэр улахан кыамталаах массыыналар ыйааһыннарын кээмэйдиир хонтуруол турда. Манна таһаҕаһы тиэйэр тыраанспардары тохтотоннор ыйааһыннарын бэрибиэркэлииллэр. Билигин сир ирэр кэмэ. Онуоха ыйааһыннаах массыыналар суолу алдьаппаттарын туһугар хонтуруоллааччылар икки сменан түүнэри күнүстэри үлэлииллэр.

Виктор Баишев, Уһук Илиҥ федеральнай уокурукка Росстранс регионнааҕы салалтатын сүрүн судаарыстыбыннай инспиэктэрэ: «Бу 25 чыыһылаттан ФАД “Бүлүү” таҕыстыбыт. Ыарахан таһаҕастаах массыыналары ыйыыбыт».

Ханнык баҕар сиргэ тиийэн үлэлиир анал тиэхиньикэ үлэҕэ сүрүн көмө буолар. Улахан массыыналар көлүөһэлэринэн ыйаммыт уобсай кээмэй сүрүҥ болҕомтоҕо турар. Ол эбэтэр Бүлүүлүүр трассаҕа 18 туоннаттан саҕалаан 44 туоннаҕа диэри ыйааһыннаах массыыналар сылдьаллара көҥүллэнэр. Айан суолугар бэрибиэркэ барара үксэ таһаҕаһы тиэйэр массыыналар тутуу матырыйаалларын, хайа боруодатын таһалларыттан.

Иннинээҕи сыллары кытары холоон көрдөххө быраабыланы кэһээһин аччаабыт. Былырыҥҥы сылга 4 эрэ массыына ыстырааптаммыт. Бу сылга ыстыраап сыаната үрдээтэ, онуоха массыына көлүөһэлэриттэн көрөн сумма 400 тыһынчаттан мөлүйүөҥҥэ диэри ыстыраап ааҕыллар буолла.

Александр Давыдов, "Бүлүү" ФКТ салалтатын айан суоллар туруктарын көрөр салаа салайааччыта: «Бырабыытылыстыба уурааҕар барыта сурулла сылдьар. Ааһалларыгар көҥүл ылар буоллахтарына “Росдормониторинг” диэн баар. Онно барыта сурулла сылдьар».

Бүлүүлүүр трассаҕа хонтуруол үлэтэ кэлэр ый 5 күнүгэр диэри барыаҕа. Бэс ыйын ортотууттан "Халыма" федеральнай айан суолугар улахан кыамталаах тиэхиньикэни кээмэйдиир хонтурурол эмиэ туруохтаах. Онон саҥа оҥоһуллуубут суоллар үйэлээх буолалларын туһугар улахан кыамталаах массыналар ыйааһыннарын бэрибиэркэлиир тоҕоостох.