Дьокуускайдааҕы ГАИ үлэһиттэрэ оҕолорго сэрэтэр аахсыйалары ыыталлар

Кырачаан да буоллар номнуо суол айанын толору кыттааччыта инспектор тугу кэпсиирин болҕомтолоохтук истэр. "Болҕойуц оҕолор"  диэн ааттаах сэрэтэр -өйдөтөр аахсыйа  киин куоракка ыытыллар.

Икки көлүөһэлээх тимир көлөлөрү эрэ буолбакка сүрүн болҕомто оҕолоох суоппардарга уурууллар. Күн бүгүн Николай Тарскай аатын сүгэр стадион таһыгар эмиэ тустаах аахсыйа ыытыллынна. 

Статистика хобдох сыыппырата иһитиннэрэринэн кэлиҥҥи кэмҥэ Дьокуускай куоракка оҕо кыттыыллаах суол саахала тахсара үксээтэ. Холбура, бу өрөбүллэргэ аҥардас 4 оҕону түүннэри көттүллэр. Сыл саҕаланыаҕыттан номнуо 40-ча кыра дьон кыттыылаах оһол таҕыста.

Иванна Петрова, Дьокуускайдааҕы суолга куттал суох буолуутун хааччыйар  иниспиэксийэ судаарыстыбаннай иниспиэктэрэ: «Бу ый устата хас күн аайы оҕолору түннэри көтүүтэ бэлиэтэнэн турар. Ону таһына бэлэсэпиэттээх, электросамокаттаах оҕолор элбээтилэр. Эбиитин төрөпүттэр оҕолоругар матасыыкыл ыытыга көҥүл биэриилэрэ бэлиэтэнэр».

Онон билигин ГАИ болҕомтото икки көлүөһэлээх тимир көлөлөрү тэҥҥэ самокаттарга ууруллунна. Бу көруҥ тыраанспарынан хаааччыйар тэрилтэни инспекция ыкса үлэлэһэр.

Роман Бакулин, тэрилтэ салайааччыта: «В неделю 2-3 назад мы делали рейды по школам. Разъясняли классам, которые как раз подходят под этот сегмент, дети возраста 16-17 лет. Им объясняли, что есть очень большие штрафы за использование самокатов детьми, не достигшими 16 лет. Пользователь, не достигший 16 лет, взял самокат и каким-то образом через родительскую карту залогинился, смог поехать. Штраф за то, что он будет пойман при таком нарушении, 10 тысяч рублей».

Самокат уларсар тэрилтэни кытары тэҥинэн билигин оҕолору бу көрүҥ тыраанспары ыытар быраабыланы үөрэтэргэ, оҕолор, төрөппүттэрин кытары суолталаах үлэ ыытыллан саҕаланна. Онтон маннык профилактическай тэрээһин үөрэх кэмэ олоччу түмүктэнэн, лааҕырдар кэмнэригэр диэри ыытыллыаҕа.