"Якутия с тобой" хамсааһын 3 сыл устата үтүмэн элбэх көмөнү оҥордо

Анал байыаннай дьайыы кыттылаахатарыгар күн ахсын көмө тохтообокко бара турар. Өрөспүлүүбүкэ олохтоохторо түмсэн байыастарга анаан гуманитарнай көмө хомуйаллар. Ону таһынан араас тэрилтэлэр, түмсүүлэр баҕаран туран эмиэ күүс көмө буолаллар.

“Өрөспүүбүлүкэтээҕи “Якутия с тобой” ыстаапка үлэ күөстүү оргуйар. Күн ахсын 30 тахсалыы волонтер анал байыаннай дьайыы кыттыылаахтарыгар көмөлөһөөрү үлэлииллэр”, - Афанасий Канаев, корреспондент.

Бу сылга "Якутия с тобой" волонтер хамсааһына үс тоннаттан тахса олоххо наадаалаах малы-салы, аһы-үөлү хомуйан фроҥҥа ыытта. Ыстаап волонтердара дьыл кэмин көрөн араас таҥаһы тигэн тиэрдэллэр. Ону таһынан күн ахсын аадырыстаах баһыылка муһаннар, сүүстэн тахса киилэни балыыһаларынан ыытаары сылдьаллар.

Анна Ефимова,"Якутия с тобой" волонтер хамсааһын салайааччыта: "Бу күннэргэ байыаннай дьайыы буола турар сириттэн кэллибит. 500 тахса киилэ көмөнү илдьэ баран байыастарга биэрдибит. Билигин ис таҥас тигэ сылдьабыт. Ону сэргэ госпиталга наадалаах көмө эмиэ барыаҕа".

Волонтердар ыстааптарыгар сүрүннээн эбэлэр, ийэлэр таҥас тигэллэр, онтон оскуола оҕолоро сиэккэ эбэтэр харысхал оҥороллор. Дьокуускай физико-техническай лицей 7 кылааһын үөрэнээччитэ Алгыс Портнягин  хаһыс да сылын көмөҕө турунар, саха бойуттарын көмүскүө диэн сиэккэ өрөр.

Алгыс Портнягин, оскуола үөрэнээччитэ: "Бу иннинэ биһиги окуопаҕа туттуллар чүмэчини оҥорон ыыппыппыт. Ону таһынан сурук суруйааччыбыт, аптечка хомуйан ыыппыппыт".

Үөрэх араас салалталара үлэҕэ киирэннэр аныгы көлүөнэ эдэр ыччатыгар төрөөбүт дойдутугар бэриниилээх буолууга үөрэтэллэр. Оскуола эрэ оҕолоро буолбакка үөрэх бары кыһалара туора турбакка бары күүс-көмө буолаллар.

Дьокускайдааҕы технологическай сервис техникумугар эмиэ улахан үлэ бара турар. 2 куурус устудьуоннарыттан саҕалаан үлэһиттэргэ диэри үөрэх быраактыкатын кэмигэр анал байыаннай дьайыы кыттыылаахтарыгар анаан таҥас тигэллэр. Үлэлэрэ тохсунньу ыйтан тохтоло суох бара турар, номнуо иккис баартыйаларын оҥорон саҕалаатылар.

Саина Христофорова, волонтёр: "Устудьуоннар дронтан хаххалыыр соннору тигэллэр. Ону таһынан кээнчэ уонна сэлиэччик".

Тигиллэн бүппүт, бэлэм таҥаһы сотору кэминэн анал байыаннай дьайыыга кытта сылдьар саха байыастарыгар ыытыахтара.