Тас тэрилтэлэри харыбыллааһын эрэллээх илиигэ

Сарсыардааҥҥы халлаан суһуктуйуута полиция старшай сержаана, Росгвардия байыаһа Мария Неустроева үлэтин булар. Тутатына бойобуой таҥаһын, куйаҕын ылар. Улахан суолталаах эбийиэктэри харабыллыыр киһи буолан, бэстэлиэт доҕорун анал саа-саадах биэрэр сиртэн ылар. Салгыы саадаҕын бэрэбиэркэлэнэр.

Мария Неустроева, Росгвардия федеральнай сулууспатын Саха сиринээҕи салалтатын биэдимистибэ таһынан харабыллыыр салаатын старшай сержаана: «Суолталаах эбийиэктэри харабыллыыбыт. Син элбээтибит. Тоҕо диэтэргэ кырыгттар син биир тулуурдаахтар уонна эппиэтинэстээхтик сыһыаннаһаллар. Ийэ буолбут кыргыттар олус тулуурдаахтар».

Мария Неустроева Чурапчыттан төрүттээх 2020 сыллаахха Росгвардия тас тэрилтэлэри харабыллыыр биэдэмистибэтигэр үлэлии киирбитэ. Кыра эрдэҕиттэн ыра оҥостубут баҕа санаатын олоххо киллэрэр соруктаах юридическай колледжка үөрэммитэ. Ону бүтэрэн баран манна үлэлии киирбитэ. Эр дьонтон хаалсыбакка, кинилэри кытары тэҥҥэ дьарыктары ааһаллар. Үлэлэригэр араас буолуон сөптөөххө барытыгар бэлэмнэр.

Биллэн туран хас биирдии байыас бэстэлиэти эҥкилэ суох ыһар хомуйар буолуохтаах. Күннэтэ сулууспаларыгар кинилэр анал бойобуой тэриллэрин, брониктарын кэтэн туоруохтаахтар.

Мария Неустроева, Росгвардия федеральнай сулууспатын Саха сиринээҕи салалтатын биэдимистибэ таһынан харабыллыыр салаатын старшай сержаана: «Бронежилеппыт ыйааһына үс киилэ курдук. Бэстэлиэт икки магазиннаах. Уонна постка спецсредства биэрэллэр – эрэһиинэ палка уонна наручниктар».

Бу курдук нарын-намчы көрүҥнээх эрээри, бойобуой тыыннаах, киин куораппыт улахан суолталаах эбийиэктэрин харабыллыыр Мария Неустроева үлэ үөһүгэр сылдьар. Кэрэ аҥардары кэлэн иһэр Аан дойду дьахталларын күнүнэн итиитик-истиҥник эҕэрдэлиир.