Амма улууһугар быйыл Тыа хаһаайыстыбатын сыла биллэриллэн турар

Номнуо 10-ус сылын ыанньыксытынан улэлии сылдьар Надежда Оконешникова күннээҕи үлэтин толоро сылдьар. Кыстык ортолотон үлэ да хаамыыта уксээбит. Кини соҕотоҕун 60 ынаҕы көрөр. 

Надежда Оконешникова, "Кэскил" хаһаайыстыба ыанньыксыта: «Сайынын үчүгэйдик ыыбыт. Төрөөһүн саҥа саҕаланан эрэр. Биир ынаҕым игирэ төрөөбүтэ».

Амма улууһун биир тарбахха баттанар кэскиллээх Кэскил хаһаайыстыбатыгар кыстык этэҥҥэ барар турар. 550 төбө ахсааннаах улахан тэрилтэҕэ 240 ыанньыктаахтар. Билигин уулаах ынахтар төрөөн саҕалаан эрэллэр.

2019 уонна 2023 сыллаардаахха манна саҥа хотоннор үлэҕэ киирбиттэрэ. Онон билигин хороҕор муостаахтар аныгылыы ирдэбиллээх уораҕайга тураллар. Автомат уу иһэрдээх, салгын оонньуура үчүгэй хотоҥҥо үлэ көдьүүһэ барар. 2017 сыллаахтан биригэдьииринэн үлэлии сылдьар Светлана Григорьева кыһыны этэҥҥэ туоруурга усулуобуйа барыта баар, ол эрэн үлэһит илии тиийбэт диэн санаатын үллэстэр.

Светлана Григорьева, "Кэскил" хаһаайыстыба биригэдьиирэ: «Ыанньыксыттар, бостууктар наадалар. Кыһын кэм баайыллан турар буоланнар иккилии үлэни кыайар эдэр дьоннорбут үлэлииллэр».

Ол да буоллар Кэскил көрөдөрүүтүнэн улууска бастыҥнар иһигэр сылдьар. Сылын аайы үүт, от былаана туолар диэн хаһаайыстыба салайааччыта Александр Карманов кэпсиир. Инникки былаан үгүс.

Александр Карманов, "Кэскил" хаһаайыстыба салайааччыта : «Эбии хотон тутаары сылдьабыт 150 төтөбөҕө улуус көмөтүнэн».

Онтон манна даҕатан эттэххэ, Аммаҕа быйыл тыа хаһаайыстыбатын сыла биллэриллэн турар. Бу хайысханы таһаарар соруктаах үгүс былааннаах үлэ ыытыллыа5а.

Степан Кузьмин, "Амма улууһа" МТ баьылыга: «Тыа хаһаайыстыба сылыгар улахан болҕомто уурабыт. Абаҕа нэһилиэгэр переработка сыаҕын арыйыахтаахпыт кэлэр ыйга».

Бу курдук Аммалар тыа хаһаайыстыбатын сайыннарара соруктах үлэ хамнас үөһүгэр сылдьаллар.