Дьокуускайга Лихановтар дьиэ кэргэн тургэнник оҥоһуллар бородууксуйаны оҥорор сыах үлэлэтэллэр

Отонтон, моонньоҕонтон пастила, убаһа этиттэн снектэр, түргэнник суурайыллар хортуоппуй, морска кубулуйар отон онтон да үгүс элбэх бородууксуйаны Лихановтар дьиэ кэргэн оҥорон таһаараллар. Ыал далбар хотуна Вера Лиханова аан бастаан оҕотугар пастила оҥоруутуттан саҕаланан, билигин бүтүн улахан сыахха тиийэ ууннуллэр.

Вера Лиханова, сыах салайааччыта: «Кыра кыыспар сиэтээрибин дьиэбэр кыра бытовой сушилка ылбытым. Сөбүлээбиппин барытын куурда үөрэммитим. Онтон сублимация туһунан истибитим».

Онтон Москва куоракка Көмүс күһүн быыстапкаҕа Кытай таҥан таһаараччыларын булан, кинилэри кытары үлэлэһэн, бэйэтигэр сөптөөх оборуудабанньаны сакаастаппыт. Онтукатын Вера Петровна Гуанчжоу куоракка тиийэн бэйэтэ ирдэһэн, хайдах үлэлиирин үөрэппит. Билигин кинилэр сыахтарыгар 3 сублимация оборуудабанньата бородууксуйаны олоххо киллэрэр.

Маны кытары сыахха куурдар-хатарар, хахтыыр оборуудабанньалар бааллар. Манна барыта илии үлэтэ. Хортуосканы, фурууктаны барытын илиинэн ыраастыыллар, хахтыыллар. Лихановтар хаһаайыстыбаларыгар технолог идэлээх Нюргуяна Богатырева номнуо 5 сылын үлэлиир. Биһиги бородуксуйабыт минньигэһин ааһан, киһи доруобуйатыгар туһалаах диэн кэпсиир.

Нюргуяна Богатырёва, технолог: «Моонньоҕон пастилатыгар аскорбинка битэмиин күннээҕи нуормата баар».

Билигин Лихановтар 50 бородууксйа араас көрүҥүн оҥорон таһаараллар. 30 маҕаһыыҥҥа батараллар итиэннэ бу бэрт соторутааҕыта оскуолалар сэҥээрэннэр, Дьокуускай куорат 10 үөрэҕин  кыһатыгар туттарар буоллуллар. Маныаха улуустарга ыыталлар. Үлэлэрин ыырын улаатыннараллар.

Хаһаайыстыба салгыы былаана үгүс. Билигин экологически ыраас бородууксуйа аатын ыларга чинчийилэри ааһа сылдьаллар, оччотугар салгыы аан дойду да ырыынагар тахсар сорук турар.

Вера Лиханова, сыах салайааччыта: «Оппут анаалыһа кэлбитэ. 141 пестицид бэрэбиэркэтин түмүгүнэн ып-ыраас этэ. Эппит анаалыһа бүтэ илик. Оччоҕуна манна органик сэбирдэх бэлиэ ылыахтаахпыт».

Хаһаайыстыба анал байыаннай дьайыыттыттан туора турбат. Билигин кинилэр бородууксуйалара байыастарыбытыгар тиийэн, кинилэргэ күүс-сэниэ киллэрэр.