ГАИ инспиэктэрдэрэ оҕолорго суолга сэрэхтээх буолалларыгар туһааннаах үлэни ыыталлар

Саха гимназиятын тимир көлө тохтуур сиригэр инспектордар үлэлииллэр. "Болгойуҥ, оҕолор" профилактическэй аахсыйа оскуола үөрэнээччилэрин эрэ буолбакка төрөппүттэри эмиэ хабар.

Болҕойуҥ оҕолор сэрэтэр профилактическэй аахсыйа 3-үс түһүмэҕэ ыытыллар. Бу күн Дьокуускайдааҕы уонна Өрөспүүбүлүкэтээҕи суолга куттал суох буолуутун хааччыйар инспекция инспектордара хараҥа кэмҥэ  фаара уотугар сыдьаайан көстөр элэмиэннэри туттардылар. Ону кытары тэҥҥэ аахсыйа кыттыллаахтарыгар суол быраабылатын өйдөттүллэр 

Филипп Тырылыгин, РФ ИдьМ тыраанспарга Хотугулуу-Илиҥҥи линейнэй салалтатын пресс-сулууспатын аҕа исписэлииһэ: «Бу светоотражающай элэмиэннэрбит хараҥаҕа суоппардар оҕолору көрдүннэр диэн. Өссө эбиитин значок биэрэбит».

Салгыы аахсыйа үөрэх кыһатын иһигэр ыытылынна. Манна 4 кылаастарга профилактичксэй сэрэтэр кылаас чааһа ааста. Онньуу - викторина курдук быһыылаах суол  быраабылаларын үөрэтии ааста. Саха гимназиятын үөрэнээччилэрэ бу эйгэҕэ үчүгэй билиилээхтэрин көрдөрдүлэр. Оҕолор тэрээһиҥҥэ көхтөөхтүк кытынныллар.

Онтон манна даҕатан эттэххэ, оҕо суолга-иискэ харыстабыллаах буоларыгар профилактическэй үлэ күүһүрэн оҕо кыттыылаах суол саахала аччаабыта бэлиэтэнэр. Статистика онно туоһу - былыырын сыыппара 9 эбит буоллаҕына, быйыл көрдөрүү 6  тэҥнэспит. Онно улахан оруолу инспекция үөрэх кыһаларын кытары үлэлээһинэ буолар.

Егор Дьячковский, Саха гимназиятын итиигэ дириэктэри солбуйааччы: «Бастакыттан 11 кылаастарга диэри оҕолорго суол быраабылатын тутуһан сылдьалларын, төрөппүттэри кытта, оҕолору кытта бары суол быраабылаларын тутуһа сылдьалларын курдук кылаас чаастары ыытабыт. Ону таһынан ГАИ үлэһиттэрэ кэлэн эмиэ оҕолору кытары үлэлэри ыыталлар».

Онтон маннык профилактическай тэрээһиннэр тиһигэ быһыллыбакка киин куорат оскуолаларыгар ыытылла туруохтара.