Оҕону кыра сааһыттан тыа хаһаайыстыбатыгар сыһыарыы

Лөкөчөөн орто оскуолатын 6 кылааһын үөрэнээччитэ Иванна Яковлева сайын салаайааччытын уонна бииргэ үөрэнэр оҕолорун кытары оттору хомуйбута. Быйылгыттан кинилэр оскуолаларыгар чэйи оҥоруу куруһуога арыллан, онно сылдьан саҕалаан, номнуо технологияны 6 кылаас оҕото билэр.

Иванна Яковлева, Лөкөчөөн орто оскуолатын 6 кылааһын үөрэнээччитэ: «Столовай ложка мутукча кутабыт, үрдүгэр икки стакан үүт, кыра уокка оргутабыт. Оргуйбутун кэннэ олох кыра уокка 15 мүнүүтэ тэптэрэбит. Ол кэннэ иһиккэ суулаан сойута уурабыт. Сойбутун кэннэ сиитэлиибит уонна күҥҥэ 3 стакан аҥарын иһэбит».

Бу сылтан тустаах үөрэх кыһатыгар Анна Мойтохонова салайыылаах Саха сирин отторун үөрэтии, ону туһаҕа таһаарыы куруһуога арыллыбыта. Оҕолор олус интириэһиргээтилэр диэн салайааччыы кэпсиир.

Биһиги эргиччи күүстээх айылҕабыт ото-маһа эмиэ киһи доруобуйатыгар туһаалаах, ону номнуо бу оскуола үөрэнээччиллэрэ, учууталлара, да төрөппүттэрэ билбиттэр. Гаастаах утахтан аккаастанабыт диэн аахсыйа онно туоһу буолбута диэн Анна Михайловна кэпсээтэ.

Анна Мойтохонова, “Көмүс кыталык” куруһуок салайааччыта: «Отон, араас эмтээх отторбутун мунньан фиточай оҥорбуппутугар оҕолор наһаа сөбүлээбиттэрэ. “Биһиэхэ үүнэр дуо?”  - диэн наһаа соһуйбуттара. Олохторугар да туһалыаҕа дии саныыбын, оҕо айылҕаҕа чугас буоларыгар».

Чахчы оскуола эрдэхтэн оҕолору айылҕаҕа сыһыаран, инникки олохторугар наада буолар куруһуокка уон оҕо сылдьар. Манна үөрэнээччилэр чэйи оҥоруу кистэлэҥин, итиэннэ доруобуйаҕа туох туһалааҕын үөрэтэллэр.

Валентина Павлова, Лөкөчөөн орто оскуолатын 6 кылааһын үөрэнээччитэ: «Настой оҥорон баран баттах сууннахха солко курдук буолар».

Оҕолор манан тохтоон хаалбакка салгыы бизнес бырайыак оҥорон урбаан эйгэтигэр киирэр соруктаахтар.