Норуот күүһэ - көмүөл күүһэ

"Күбэйэ" эбээлэр түмсүү уран тарбахтааҕа Мария Иннокентьевна Тимофеева ытык сынньалаҥар тахсан баран, нэһилиэк общественнай олоҕор көхтөөхтүк кыттар. Билигин кинилэр иистэнньэҥнэр бөлөхтөрө анал байыаннай дьайыы толоонугар сылдьар байыастарбытыгар таҥас-сап тигэн ыыталлар.

Мария Семёнова, "Күбэйэ" эбээлэр түмсүүтүн иистэнньэҥэ: «Матырыйаал биэрдэхтэринэ таҥас бөҕөнү тигэбит. Дьиэбитигэр да илдьэн тигэбит. Нэһилиэнньэбитигэр махтал тириэрдэбит, оверлочнай массыыналарбытыгар улахан көмөнү оҥорбуттара».

Тааһаҕар нэһилиэгиттэн 10 уол ытык иэстэрин төлүү,  Ийэ дойдуларын көмүскүү аттаммыттара. Билигин анал байыаннай дьайыы толоонугар икки уол сылдьар. Сорохтор олохторун толук ууран, кыайыыны чугаһыппыттара.

Надежда Тимофеева, "Күбэйэ" эбээлэр түмсүүтүн иистэнньэҥэ: «Бүлүү улууһугар “Биһиги бииргэбит” диэн пуун үлэлиир. Ол салалтатынан биһиги таҥас тигэбит, сиэккэлэри өрөбүт. Бэйэбит өрөммүт стелька оҥоробут».

Маны таһынан Кубэйэлэр байыастарбытыгар анаан тактическай рюказакатры, харысхаллары тигэн ыыталлар. Харчынан, аһынан-үөлүнэн эмиэ көмөлөһөбүт диэн билигин түмсүүнү салайа сылдьар Надежда Тимофеева кэпсиир. Манна даҕаттан эттэххэ, эбээлэр түмүсүүлэрэ номнуо тэриллибиттэрэ 16 сылыгар барда. Бу кэм устата Кубэйэлэр нэһилиэк эрэ буолбакка, улуус олоҕор көхтөөхтүк кытталлар.

Баһаарынай идэлээх Тааһаҕардар биир тумус туттар уоллара Василий Павлов ийэ дойдутун көмүскэлигэр олоҕун толук уурбута. Кини аатын үйэтитэр сыалаах оскуола түмэлигэр киниэхэ анаан экспозиция арыллыбыта.

Альбина Григорьева, оскуола түмэлин харайааччыта: «Таҥаспын, туох баар илдьэ сылдьыбыт малбын оскуолам мусуойугар биэриэм диэн этэр эбит. Ол иһин ол баҕа санаатын толороннор барытын манна биһиэхэ ыыппыттара».

Ким да умнуллубат, туох да умнуллубат. Тааһаҕардар анал байыаннай дьайыыттан туора турбакка, көмө да үйэтитии чааһыгар үлэлии-хамсыы сылдьаллар.