Сиртэн хостонор баайы туһанааччылар Уһук Илиҥҥи иккис пуорумнара Дьокуускайга ыытыллынна.

Саха сирэ алмаас хостооһунугар инники күөҥҥэ оттон ниэп уонна гаас хостооһунугар дойдуга бэһис бастыҥ көрдөрүүлээх регион.  Уһук Илин сиртэн хостонор баайын саппааһа улахан инникилээх, билигин  чинчийии 35 эрэ бырыһыаҥҥа тэҥнэһэр. Онон гелогическай чинчийэр үлэлэргэ болҕомто улахан. Уһук Илин инники бырамыысыланнай кэскилин торумнуу бастыҥ көрдөрүүлээх региоҥҥа 200 тахса бөдөҥ хампаанньа салайааччыта түмүстэ.     

Михаил Кириллин СӨ бырамыысыланнас уонна геология миниистирин солбуйааччы: «Бу инники сылларга хайдах биһиги сир баайын хостуурбутун уонна бастатан туран, геологияны ханнык оройуоннарга, ханнык сир баайадара дойдубутугар наадатын былаанныыбыт».

Ол курдук өрөспүүбүлүкэҕэ билигин бөдөҥ  геологическай чинчийэр үлэ "Геология - Возрождения легенды" диэн федеральнай бырайыак быһыытынан ыытыллар. Саха сиригэр эрэ 10 сыл иһигэр 20 улууска геологоразведка ыытыллыа. Үлэ быйыл саҕаланна итиэннэ саҕалааһын үчүгэйин туһунан сир баайын туһаныы федеральнай ааҕыныстыбатын салайааччы Олег Казанов иһитиннэрдэ.

Олег Казанов, Сир баайын туһаныы федеральнай ааҕыныстыбатын салайааччы: «То, что мы видим сейчас, результаты первого полевого сезона, который завершили наши геологи, он обнадеживает. Люди вернулись с полей с рудой. Республика Саха (Якутия) — это квинтэссенция Дальнего Востока с точки зрения специалистов по минерально-сырьевой базе. Здесь максимально сосредоточены практически все перспективные виды сырья. Почти все ресурсы федерального финансирования геологоразведки идут на Дальний Восток и в первую очередь в Якутию».

Саха сиригэр 3000 тахса  сир баайдаах миэстэ баар. Маныаха олохтоох ыччат бу тэрилтэлэргэ үлэлэһэрин уонна салайсарын ситиһии өрөспүүбүлүкэ сүрүн соруктарыттан биирдэстэрэ. Маны сэргэ сир баайын хостооччулар социальнай сайдыыга кыттыһыылара эмиэ. Өймөкөөн улууһугар 20 бөдөҥ промышленнай тэрилтэ үлэлиир.  

Александр Оконешников, Өймөкөөн улууһун баһылыга: «Биһиэхэ көмүс тэрилтэлэриттэн 16 кытта социальнай көмө оҥорууга соглашение баттаан олоробут. Тутуу барбатаҕа ыраатта. Үксүн биһиэнэ тутуу өттүн, социальнай эбийиэктэрбитин тупсарыыларыгар  уонна саҥа эбийиэктэри тутууга диэн хайысхаҕа үлэлиибит».

Итини сэргэ Саха сирэ сэдэх металларынан баай. Ол курдук Томтордооҕу саппаас 32 мөл. туонна руданан сыаналанар. Бу бырайыагы олоххо киллэрии пуорумҥа биир суолталаах боппуруоһунан турда.