Дьокуускайга Ыксаллаах быһыы-майгы сотрудниктара сэрэтэр рейдэлэри ыытыыны салҕыыллар

Дьокуускай куорат баһаарнай сулууспатын кэтээн көрөр үлэҕэ инженерэ Марина Губарева Рыдзинскай уулуссатыгар баар 16 этээстээх олорор дьиэ баһаарынай ирдэбилгэ эппиэттиир хааччыллыытын бэрэбиэркэлиир. Киин болҕомтону маннык уот турбутун суһаллык сэрэтэр сигнализация үлэтигэр уураллар. Маныаха биллэрэр систиэмэ уонна эвакуация салайыыта эмиэ туох да харгыһа суох үлэлиирэ ирдэнэр.

Марина Губарева, Дьокуускайдааҕы кэтээн көрөр салаа инженерэ: «В ходе обследования проводятся осмотр технического состояния систем противопожарной защиты».

Бу аҕыйах сыллааҕыта саҥа тутуллан киирбит олорор дьиэ буолар. Барыта 140-тан тахса кыбартыыра баар. Хас биирдии этээскэ баһаары утары ааннаах, тахсар-киирэр сирдээх. Үрдүк этээстээх дьиэҕэ баһаар турар түгэнигэр буруо, уот түргэнник тарҕанар буолан дьон тахсарыгар кутталлаах буолар. Онон туох барыта баһаарынай куттал суох буолууга эппиэттир буоулохтаах.

Бу дьиэҕэ бэрэбиэркэ түмүгүнэн, улахан кэһии суоҕа билиннэ, кыра көннөрүллэр ситэриилэр баалларын инженер ыйда. Маныаха баһаар биллэн турар үрдүк да бир да этээстэх дьиэҕэ улахан кутталы үөскэтэр. Саха сирин үрдүнэн сыл саҕаланыаҕыттан уопсайа дьон олорор дьиэтигэр 845 баһаар тахсыбытын түмүгэр 47 киһи суорума суоланна, ол иһигэр 4 оҕо, 70 киһи араас эчэйиини ылла.

Ким Кузьмин, Дьокуускайдааҕы кэтээн көрөр салаа инспиэктэрэ: «Куораппыт олохтоохторугар санатабыт, баһаартан сэрэхтээх буоларгытыгар. Баһаар буолар түгэнигэр 101, 112 нүөмэргэ эрийэн биллэрэргитигэр көрдөһөбүт. Төрөппүттэр оҕолоргутун баһаартан сэрэхтээх буолуу иитиитин ыытаргытын умнуман».

Ааспыт сыл кытта тэҥнээтэххэ, олорор дьиэлэргэ баһаар туруута биллэ элбээтэ, оттон дьон өлүүтэ кэм аҕыйаата. Ол эрээри уоттан сэрэхтээх буолуу хайаан да ирдэнэр. Ордук билигин улахан тымныыларга мас элбэх кыбартыыралаах, итиэннэ чааһынай дьиэлэргэ.