"Воздушная переправа" бырайыак иккис түһүмэҕэ саҕаланна

Таһаҕастаах пилота суох аппарат Аллараа Бэстээххэ көттө. Сөкүүндэҕэ 17 миэтирэ түргэннээх көтөр аал, онон ортотунан 15 мүнүүтэнэн анараа биэрэкэ  баар буолар. Сакаасчыт табаара Бэстээххэ атыыламмат, диписиит ас куораттан көтөн тиийэрэ сэдэх көстүү.

Олег Саммель, БПЛА оператора: «Очень интересно. За этим есть будущее логистики и грузоперевозок. Стоять у истоков нового этапа логистики для меня большая честь».

Бу хамсааһын "Воздушная переправа" бырайыак чэрчитинэн оноһуллар. Пилота суох аппарат оператора Олег аныгы технология олоххо киириитин бастакы хардыыларын оҥорор киһи быһыытынан киэн туттуута улахан. Дрону ыытарга номнуо үөрүйэх, анараа биэрэккэ көттө диэн биллэрии бараатын кытары , көрсөөччү бэлэм.

Дайаана Егорова, "Воздушная переправа" бырайыак куратора: «Сакаастар бааллар, дроннарбыт күн аайы сарсыардаттан киэһээҥҥэ дылы көтөллөр сырдык бириэмэҕэ. Бу иккис таһымах буолар, бастакы - сайын биир ый иһигэр биир дроннаах үлэлээбиппит. Билигин номнуо икки дроннаахпыт».

Аппарат батареятын кытта холбоон 30 киилэ ыйааһыннаах, тиэйэр таһаҕаһа 10 киилэҕэ диэри. Иккис түһүмэх көрдөрдө: пилота суох аппараттар Саха сирин тыйыс усулуобйатыгар үлэлиир кыахтаахтар.

Бу өссө үлэ миэстэтэ. Көтүтээччи үөрэҕинин устудьуоннар толору баһылыыр кыахтаахтар. Ардахха, хаарга, тыалга хайдах үлэлиирин практикаҕа көрөллөр. Биир улахан ирдэбил харыстабыллаах сыһыан.

Дайаана Егорова, "Воздушная переправа" бырайыак куратора: «Саҥа маршруттарга киириэхтээхпит. Онон саас өссө элбэх хайысхаҕа үлэлиэхпит дии саныыбын».

Бу курдук саҥа хамсааһын былаана киэҥ. Өссө эбии тиэхиникэ ылан саҥа маршруттары баһылыахтарын баҕараллар. Ол наадатыгар федеральнай таһымҥа элбэх үлэни ыытыахтара.