Өрөспүүбүлүкэҕэ суол өрөмүөнүн үлэтэ салҕанар

Хаары хаар диэбэккэ, үрүҥ үллүк быыһынан улахан тиэхиникэ Умнас аартыкка баараҕай үлэни ыытар. "Саха суоллара" тэрилтэ үлэһиттэрэ киэһээ хараҥарыар диэри үлэ бүтэһик түһүмэҕин оҥороллор. Тустаах аартык учаастагын биригэдьиирэ Анатолий Бурнашев билигин сүрүн үлэ сир ааныгар баар турбалары уларытыыга сытар диэн иһиттиннэрэр.

Анатолий Бурнашёв, прорааб: «Сорох турбалар буорунан көмүллэн үлэлээбэккэ сытар этилэр. Тимир 1,5 диаметырдаах турбаларга уларыйаллар».

Быйыл бу аартык 20-28 км диэри суолу чөлүгэр түһэрии, саҥа аспаалы ууруу, итиэннэ аартыгы  кэҥэтии үлэтэ ыытыллынна. Үйэтин тухары икки балаһаланан турбут суол 4 балаһаланан, тыраанспар сырыытыгар үчүгэй усулуобуйа тэриллэр. Билигин үөһээ этиллибитин курдук турбалары ууруу үлэтэ ыытыллар, ол сыалыгар 5 быһа суоллар оҥоһулуннуллар.

Айгылаан Григорьев, суол учаастагын салайааччыта: «Билигин биһиэхэ 23 киһи үлэлии сылдьар, ону таһынан экскаватордар, грейдер, 3 каток уонна икки погрузчик. Билигин биһи ахсынньы ый ортотугар дылы үлэлииргэ былаанныыбыт. Онтон аныгыскы сылга кулун тутартан салҕыахтаахпыт».

Бу эрэ учаастакка буолбакка, Хаҥалас улууһун өттүттэн эмиэ үлэлэр барбыттара. Манна даҕатан эттэххэ, суол өрөмүөнүн үлэлэрэ  национальнаай бырайыак чэрчитинэн барар. Бу Табаҕа, Владимировка эҥээр аартыкка эмиэ.

Николай Слепцов, СӨ суол салалтатын хаппытаалынай тутуу салаатын сүрүннүүр инженерэ: «Айан суола “Умнас” 8 км усталаах “Инфраструктура для жизни” диэн нацбырайыагынан оҥоһулла турар. Реконструкция кэннэ 4 балаһалаах суол буолар. Бэдэрээччит 2025 сыл бэс ыйыгар саҕалаабыта».

Өрөспүүбүлүкэ суолларыгар маннык үлэ бара турар эбит буоллаҕына, киин куоракка эмиэ быйыл үгүс үлэ ыытыллынна. Дьокуускай куорат 12 суолун эбийиэгэр өрөмүөннэр аастылар. Экскаваторщик идэлээх Сергей Петров номнуо эһиилиги суол өрөмүөнүгэр балаһаны бэлэмниибит диэн улэ хаамыытын кэпсиир.

Сергей Петров, суол учаастагын үлэһитэ: «Эһиилги үлэҕэ бэлэмнэнии бара турар. Икки экскаватор баар, грузовик уонна сварщик үлэһиттэр».

Билигин бутэһик эһиилигигэ бэлэмнээһин үлэлэр Сэбиэскэй аармыйа 50 сылын уулуссатыгар бара тураллар.

Анастасия Добрянцева: «Хаачыстыбыннай суоллар судаарстыбаннай бырагыраама чэрчитинэн 2019 сыллаахтан саҕалаан 24 сылга диэри киин куоракка 155 суол эбийиэгэ, ол эбэтэр 195-тэн тахса км уулусса-суол ситимэ оҥоһулунна. Бу хайысхаҕа үлэ бара турар».