Саҥа саха киинэтэ улахан экрааҥҥа

Киинэ бастакы мүнүүтэлэрэ киһини тардан барар. Дьокуускай куорат "Лена" киинэ тыйаатырыгар эдэр режиссер Апполинария Дегтярева "Пристутствие" диэн ааттаах бастакы толору метр киинэтэ сүрэхтэннэ. Үгэс быһыытынан киинэни аан бастаан суруналыыстар, киинэ эйгэтигэр буһа-хата сылдьар дьон көрдүлэр. Бу күн устар бөлөҕү кэлбит ыалдьыттар көрүстүлэр.

Номнуо Дойду таһымыгар быйыл ТОП-10 тоҕоостоох киинэлэр кэккэлэригэр киирбит саҥа саха киинэтин сотору кэминэн өрөспүүбүлүкэ олохтоохторо көрүөхтэрэ. Триллер-хоррор жанрдааах киинэ сүмэтэ - биир кыбартыыра иһигэр, биир эрэ сиргэ устуу буолар. Манна сүрүн оруолу, ийэ оруолун Валентина Романова - Чыскыырай толордо.

Валентина Романова – Чыскыырай, сүрүн оруолу толорооччу: «Тыыны киллэрэр буолуохтааххын. Ону хайдах эрэ ортотун тутан дьиҥнээхтии оҥоруохтааххын. Холобур испиктээкилгэ наигранно оҥоруохха сөп, чэпчэки. Манна олох курдук барыахтаах».

Киинэ сюжетыттан сэгэтэн кэпсээтэххэ. Хамсык кэминээҕи сыл көстөр. Дьиэҕэ соҕотох халбыт кыыс, туох эрэ биллибэт эйгэ баар буолбутуттан сэрэхэчийэн барар. Бу киинэҕэ өбүгэ ситимэ, төрүт култуура барыта киирбит.

Апполинария Дегтярёва, киинэ режиссёра: «Сценарий к этому фильму я написала сама. Сама идея пришла ко мне в 2014 году. Я была настолько вдохновлена ею, что я захотела снять свой первый полнометражный фильм именно по мотивам этой идеи».

Бастакы сүрэхтэнии диэтэххэ, хамаанда күүстээх. Продюсер Дмитрий Давыдов, киинэни устааччы - оператор Андрей Красновскай, оруолларга Олоҥхо тыйаатырын элбэҕи эрэннэр артыыстара оонньоотулар. Саамай сүрүн кыыс оруолун  Анастасия Алексеева толордо.

Анастасия Алексеева, сүрүн оруолу толорооччу: «Биир локациялаах киинэ. 17 күн иһигэр барытын уһулан бүтэрбиппит. Чахчы ыарахан этэ, психологическай драма буолар. Киһи иһинээҕии абааһытын туһунан, киһи олоҕун, дьылҕатын, санаатын-оноотун туһунан».

Киһи уйулҕатын уһугуннарар, хас биирдии көрөөччү өйүгэр-санаатыгар хаалларар саҥа сахалыы киинэ күн бүгүҥҥүттэн Өрөспүүбүлүкэ бары киинэ тыйаатырдарыгар.