Хаарбах дьиэттэн көһөрүү бырагырааматын үһүс түһүмэҕэ кэлэр сылтан саҕаланыаҕа

Бу сып-сылаас сырдык устуудьуйа-кыбартыыраны Дьокуускай олохтооҕо Елена Романова хаарбах дьиэттэн көһөрүү федеральнай бырагырааманан ылбыта. Онон кини билигин хайа баҕар өттүнэн дьон олороругар табыгастаах усулуобуйалаах "Звезднай" түөлбэҕэ олохтооҕо.  Билиҥҥи кыбартыырата төһө да кыра иэннээх буоллар сиҥнэ турар мас дьиэтигэр тэҥэ суох үчүгэй.

Елена Романова, хаарбах дьиэттэн көһөрүү бырагырааматын кыттыылааҕа: «Туспа куукуналаах буоллуо дии санаабытым. Оттон дьон олоҕун тупсарар буоллахтарына тоҕо арыый улахан кыбадырааты биэрбэттэрий диэн риелтортан ыйыппытым. Ону кыбадырааты кыбадыраакка диэн туппуттар диэн быһаарбыта».

Елена Романова 17 кыбаарталга олорбут кэмнэрин билигин харааста саныыр. Наар сиик, иҥнэл-таҥхал барбыт муоста, куруутун уу киирэр буолан никсик сыта. Кини курдук усулуобуйаҕа хас эмэ тыһыынчанан киһи олорбута. Онтон билигин саҥа түөлбэҕэ олохсуйаллар.

Юрий Мондуев, Өрөспүүбүлүкэтээҕи ипотека агенствотын көһөрүү салаатын исписэлииһэ: «В целом у нас по первому этапу расселения расселено 72 семьи, получили здесь квартиры. По последующему этапу 271 квартира. Люди получили 46 квартир, осталось расселить 165 квартир. В микрорайоне строятся с ремонтом».

Көһөрүү бырагырааматынан тутуллар "Звезднай" түөлбэ бары усулуобуйаҕа толору эппиэттиир. Ол курдук оскуола, спорт комплекса үлэҕэ киирбиттэрэ. Сотору кэминэн өссө биир үөрэх тэрилтэтэ, оҕо уһуйаана уонна балыыһа тутуулара түмүктэниэ.

Быйыл көһөрүү бырагырааматын иккис түһүмэҕэ бүттэ. Аны билигин үһүс  саҕаланыа. Манна 2017 сылтан 2022 сылга диэри хаарбаҕынан биниллибит дьиэлэр хапсыахтара. Дьокуускайга 937 дьиэ испииһэккэ баар. Көһөрүү былаана олохтонон, сотору кэминэн бырагыраама үлэлээн саҕалыа.

Евгений Григорьев, Дьокуускай куорат баһылыга: «Бастатан туран 27 дьиэ КЧСтаах уонна суут ыйаахтаах. Ол дьиэлэри бастакы уочаракка көһөрүллэр. Иккис таһымах бүтэригэр 17 кыбартыыра хаалла. Ол барыта суут нөҥүө. Ону таһынан бүтэрдибит».

Оттон иккис түһүмэххэ, ол эбэтэр 2019 сылтан 2025 сылга диэри 1 мөлүйүөн кыбыдараатынай миэтэрэттэн тахса иэннээх хаарбах дьиэттэн олохтоохтору саҥа кыбартыыраларга көһөрдүлэр.