Сунтаар улууһун тумус туттар ыала элбэх оҕолоох Павловтар чөл олоҕу, успуорду өрө туталлар

Дьиэ кэргэн аҕа баһылыга Семен Андреевич орто уолугар тустуу албастарын көрдөрөр. Онтон атын уолаттар сэҥээрэн истэллэр, көрөллөр. Павловтар дьиэ кэргэҥҥэ эр дьон бары тустуу диэн баран муннукка ытаабыт дьон диэтэххэ киһи сыыспат. Уолаттар бары көҥүл тустуунан умсугуйан туран дьарыктаналлар. Оттон угуйбут киһинэн биллэн турар аҕалара буолар.

Семён Павлов: «Оҕолорбун успуорга угуйа сатыыбын. Киһи буоларга уонна чөл олоҕу тутуһарга көмөлөһөр. Оҕолор мэтээллэрин көрдөрөллөр уонна куоталаһар курдук ыйаан иһэллэр».

Уолаттар успуорка номнуо бары ситиһиилээхтэр. Улуус, өрөспүүбүлүкэ, Уһук Илин, дойду таһымнаах күрэхтэһиилэртэн мэтээллэрдээхтэр. Оттон улахан успуорка ордук ситиһиилээх биллэн турар ыал улахан оҕото Лев. Кини билигин дойду сүүмэрдиир хамаандатыгар баар. Бу бэрт соторутаҕыта улахан күрэхтэһиигэ ситиһиилээхтик кыттан өрөспүүбүлүкэҕэ өссө биир мэтээли аҕалбыта. Саамай эрэллээх ыалдьааччылара дьиэтигэр олорон кини киирсиилэрин көтүппэккэ көрөллөр. Лев наҕараадалара саамай биллэр-көстөр сиргэ турар, тоҕо диэтэр кини бырааттарыгар холобур.

Алмаас Павлов: «Убайым Лёва курдук буолоухпун баҕарабын. Эрдэ утуйар, дисциплинаны тутуһар. Дьарыктанабыт, кросс игин буолааччы».

Ыал ийэтинэн. Барыларын аһатан-сиэтэн, таҥыннаран сылдьар биллэн турар алаһа дьиэ хотуна Майя Афанасьевна. Толору минньигэс астаах сандалылаах, дьиэ иһигэр сылаас, истиҥ сыһыаны олохтуур киһи. Оттон кини холобур биир соҕотох кэрэчээн кыыстарыгар Златаҕа. Ийэтигэр куруук көмө буолар ыал саамай кыра оҕото. Күнүскү аһылыкка дьиэ кэргэн бары түмсэн аһылыгы бэлэмнииллэр. Оҕолор куруук илии-атах, көмө буолаллар. Үлэнэн уонна тапталынан оҕону иитии бу Павловтар дьиэ кэргэн үтүө үгэстэрэ.

Майя Павлова: «Биһиэхэ дьиэбит иһигэр үчүгэй быһыы-майгы оҥоро сатыыбыт. Ийэ аҕа икки ардыгар үчүгэй истиҥ сыһыан баар буолуохтаах, оҕо ону көрөн улаатар, иҥэринэр. Бэйэ бэйэлирин кытта эйэлээх, көмүскэһэр, харыстаһар буолалларын курдук иитэбит».

Онон Павловтар бу курдук дьиэ иһигэр истиҥ сыһыаны, тапталы өрө тутан эйэ дэмнээхтик олороллор. Киһи биир холобур оҥостор саха мааны ыала. Үтүө үгэһи салгыыр, чөл олоҕу өрө тутар дьиэ кэргэ бу уопсастыба сорҕото, сайдыы кэскилэ.