Тулагы-Киллэм нэһилиэгэр бэйдиэ ыттары туталлар
Аһынан мэҥиэлээн бэйдиэ сылдьар ыты чугаһатан, моойугар быа быраҕан тимир көлөҕө киллэрэллэр. Оттон бу Тулагы-Киллэм нэһилиэгэр "Помоги выжить" диэн ааттаах бу хайысхаҕа үлэлиир тэрилтэ, олохтоох дьаһалтаны кытары тэҥҥэ үлэлэрин көрөҕүт. Биир ситим диспетчерскай сулууспаҕа олохтоох нэһилиэнньэттэн киирбит сайаапканан ыты тутааччылар үлэлииллэр.
Тулагы-Киллэм нэһилиэгэ 5 улахан түөлбэнэн тайаан сытар нэһилиэк буолар. Тулагы бэйэтэ, Сыырдаах, Киллэм, Радиокиин уонна Капитоновка микроройоуоннарынан сылдьан хаһаайына суох ыттары туталлар. Үлэ эриэ дэхси, сороҕор ыттар туттараллар, сороҕор куотан хаалаллар. Ол да буоллар былааннаах үлэ тиһигин быспакка ыытыллар.
Егор Попов, Тулагы-Киллэм нэһилиэгин баһылыга: “Ол курдук сыл устата 45 ыты туттубут. Онтон 15 хаһаайыннаахтар. Биһиэхэ нэһилиэнньэ ханна ыттар баалларын тыллыыр. Ону тэҥэ биһиги үлэһиттэрбит рейдэ кэмигэр хас күн аайы көрө сылдьаллар. Бары билижргит курдук, ыт оҕоҕо, дьахтарга кутталы үөскэтэр. Онон тыллабыр киирдэ да түргэнник миэрэ ылабыт”.
Чахчы, олохтоох дьаһалта бэйэтин иһигэр араас ньыманы туттан үлэлиир, ол курдук тутуллубут ыттарга анаан хаайар сирдэри оҥороллор. Маныаха бэйдиэ сылдьары ыттары мэҥиэлиир соруктаах килиэккэлэри нэһилиэк ортотугар туруораллар. Уонна маннык суһал тутар сыаллаах тэрээһиннэри ыыталлар.
“Бүгүҥҥү бэйдиэ сылдьар түөр атахтаахтары тутуу тэрээһинигэр 3 ыты туттулар. Балары Дьокуускай куоракка илдьиэхтэрэ”, Анастасия Добрянцева, корреспондент.
Маны кытары нэһилиэнньэни кытары сэрэтэр үлэ барар. Бэтэрэнээринэй сулууспа үлэһиттэрэ олохтоох дьаһалтаны кытта ыалларынан сылдьан ыттары сөптөөхтүк тутууга бэсиэдэ ыыталлар, листовкалары түҥэтэллэр. Тулагы бэтэрэнээрдэрин кытары ыкса үлэлэһэллэр.
Мария Вензель, Тулагы-Киллэм нэһилиэгин бэтэрэнээринэй пуунун сэбиэдиссэйи солбуйааччы: “Ыттарга ииримтийии уонна чума утары быһыы туруорабыт. Уопсайа 97 төбөнү регистрациялаатыбыт ”.
Бу курдук ыттары кытары үлэ холбоһуктаахтык барар. Олохтоох нэһилиэнньэ да ону биэлиэтиир.
Июлия Григорьева, Тулагы-Киллэм нэһилиэгин олохтооҕо: “Тулагы-Киллэм нэһилиэгин олохтооҕобун. Сарсыарда аайы үлэбэр сатыы сылдьабын. Бэйэм оскуолаҕа үлэлиибин. Урут наһаа элбэх босхо сылдьар ыттар баар буолааччылар. Билигин кэтээн көрдөххө инник ыттар аҕыйахтар”.
Онтон манна даҕатан этэр эбит буоллахха, Дьокуускай куорат уокуругар 1500 бэйдиэ сылдьар ыт тутулунна, маныаха профилактическай-риэйдэбэй тэрээһиннэр ыытыллан, 1422 памятка уонна 404 бэсиэдэ ааста.Бу хайысхаҕа үлэ барар.