Үс Хатыҥҥа 2 күннээх бүтүн дойду таһымнаах ыстаабынан-хамаанданан үөрэх түмүктэннэ

Хамаанда бэриллэн Дойду таһымнаах ыстаабынан-хамаанданан үөрэтии түмүктүүр түһүмэҕэ саҕаланар. Үгэскэ кубулуйбут тэҥээһин Үс Хатыҥҥа нэһилиэнньэ олоҕор -дьаһаҕар кутталы үөскэппэт биэдэмистибэлэр муһуннуллар.

Бүгүүҥү тэрээһин сүрүн соруга - бу эйэгэ үлэһиттэрин тиэхиникэлэрэ төһө бэлэмэ буолар. Быыһыыр сулууспа, Роспортебндзаор, саахал медицинэтэ, бэтэрэнээрдэр онтон да атын биэдэмистибэлэр бэлэмнэрин көрдөрдүлэр. Холобура, бэтэринээринэй сулууспа химиктара бүгүн үлэлэрин хаамыытын кэпсээтилэр.

Дина Фомина, бэтэрэнээринэй быраас, химик-токсиколог: «Кыыллары ыыталлар, хаан көрөбүт, ол атын салаабыт. Мин бэйэм химик-токсикологпын, мин бородууксуйаҕа ыарахан тимирдэри көрөбүт, пестицидтары. Үксүн сертификация биэрэбит».

Сүрүн болҕомтону биллэн туран биһиги тыйыс усулуобуйабытыгар үлэлиир тиэхиникэ ылла. 8  сылын анал быыһыыр баһарынай салааҕа үлэлиир, сүрүннүүр инструктор, улахан тиэхиникэни ыытарга үөрэтэр Прокопий Ефремов бу күн ыытар тимир көлөтүн дьон дьүүлүгэр көрдөрдө.

Саха сирин ыксаллаах быһыы-майгы министиэристибэтин салайааччыта, ис сулууспа генерал-майора Павел Гарин бу тэрээһини иилээн-саҕалаан ыытта. Бу күн үлэлии эрэ сылдьар үлэһиттэр буолбакка, ытык кырдьаҕастар, бэтэрээннэр ыалдьыт буоллуллар. Алгыс тылларын эттиллэр, наҕараада туттуллар. Онтон 2 күннээх үөрэтиилэр үрдүк таһымҥа ааспыттарын тоһоҕолоон эттиллэр.

Андрей Никифоров, ЫЫБМ СӨ салалтатын салайааччытын солбуйааччы: «Маннык байыаннай балаһыанньа буола турар кэмигэр хайдах биһиги нэһилиэнньэбитин быыһыахпытын сөбүн көрдүбүт бу күннэргэ. Барыта үрдүк таһымнаахтык ааста».

30-тан тахса тыһыынча киһини хаппыт улахан тэрээһин Саха сиригэр нэһилиэнньэни көмүскээһиҥҥэ бэлэмнээҕин өссө биирдэ дакаастаата.