Дьокуускайга бүтүн Дойду таһымнаах гражданскай кемүскэлгэ анаммыт үөрэхтэр бараллар

Сахатранснефтегаз сүрүн күөх уматыгы мунньар эбийиэгэр сиреналар тыаһыыллар. Оттон күн бүгүн бу стратегичкескай эбийиэккэ Дойду үрдүнэн ыытыллар штабной-комнаднай үөрэтиилэр ааһаллар.

Тэрилтэ бу бэрт соторутааҕыта "Серп-ВС6Д" диэн ааттаах дроннары территория иһигэр киллэрбэт саҥа анти-БПЛА оборуудабанньатын ылан туруорбута. Ону бүгүн тэрилтэ үлэһиттэрэ ыксаллаах быьыы-майгы министиэристибэ дьүүлүгэр көрдөрдүлэр, дрон көтөн кэлэр түгэнигэр хайдах тугу гынарга үөрэнниллэр.

Пётр Макаров, "Сахатранснефтегаз" тэрилтэ үлэ кэтэбилин киинин салайааччыта: «Бу “Серп” диэн саҥа комплекс баар. Ол бэйэтэ БПЛА көрөр уонна тохтотор. Собуокка чугаһаатаҕа тохтотор. Бу сайыҥҥаттан үлэлээн эрэр, ол үрдүнэн харабылларга кыра дрон детектордара бааллар».

Бүгүҥҥү үөрэтиигэ дрону иккис КПП-тан 1км тэйиччиттэн көтүттүлэр. Тутатына иһитиннээрии кэтэбил поһугар киирэр. Экран нүҥүө үлэһиттэр көрөн, антидроновай сааны ылан таһырдьа сүүрэллэр уонна БПЛА көтөн иһэрин кыҥаан территорияҕа киллэрбэт гына тураллар. Ол кэмҥэ "Серп" оборуудабанньа дрону халлааҥҥа тохтотон кэбиһэр. Бу курдук үөрэхтэр маннык улахан суолталаах хас да эбийиэккэ ыытыллыахтара.

Айаал Вензель, СӨ нэһилиэнньэҕэ куттал суох буолуутун хааччыйыы уонна гражданскай оборона миниистирин бастакы солбуйааччы: «Улуустарга уонна тэрилтэлэргэ сыал-сорук турар тугу гыныахтаахтарын. Бары гражданскай көмүскэл былаанын арыйан көрөн практическай тэрээһиннэри оҥороллор. Ону барытын хонтуруоллуур Бырабыытылстыба иһинэн бөлөх күнү быһа информация хомуйар».

Алтынньы ый киин коуракка маннык сэрэтэр тыаһынан саҕаланна. Бу аата сыллата ыытыллар, үгэскэ кубулуйбут штабной үөрэтиилэр ааһаллар. Бырабытыылыстыба дьиэтигэр Өрөспүүбүлүкэ Ил Дархана Айсен Николаев салайыыылаах бу улахан, нэһилиэнньэ олоҕор-дьаьа5ар куттал суоһаабатыгар туһуламмыт тэрээһини арыйда. Үөрэтиилэр икки күн устата ааһаллар.