Өрөспүүбүлүкэҕэ уу эбийиэктэригэр 54 быһылаан бэлиэтэннэ

Болҕомтоттон биир да уу аала хаалбат. Тохтобул кэнниттэн - оҥочо, суудунаны ыытааччы докумуоннарын бэрэбиэркэлээһин уонна уу аалын техническай туругун көрүү буолар. Маныаха биллэн турар быыһыыр силиэттэр.

Профилактическай-сэрэтэр тэрээһиҥҥэ ГИМС инспиэктэрдэрэ суудунаны ыытааччыларга сотору кэминэн навигация кэмэ сабылларын тоһоҕолоон этэллэр. Ол кэниттэн уу эбийиэктэригэр, өрүскэ тахсыбыт дьону улахан ыстыраап көһүтэр.

Эппиэтинэстээх суудунаны ыытааччылар маннык риэйдэбэй тэрээһиннэри өйдүүллэр, өйүүллэр. Дьокуускай куорат олохтооҕо Федор Банчик оҥочонон сылдьыбыта 15 сылыгар барда. Ууга улахан наадалаах эрэ буоллахпына тахсабын диэн кэпсиир. Тыаллаах күҥҥэ олох тахсыман диэн атын суудунаны ыытааччыларга сүбэлиир. Маннык риэйдэ ыытыллара тоҕоостоҕун бэлиэтиир.

Фёдор Банчик: «Молодцы ребята, когда приструняют. Правило — оно для всех правило. Неважно, молодой ты, неопытный, либо с опытом. Оно должно действовать для всех. Как говорится, вода ошибок не прощает, так же, как и дорога».

Маннык профилактическай-сэрэтэр тэрээһиннэри ГИМС инспиэктэрдэрэ күннэтэ ыыталлар. Билигин күн-дьыл туруга уларыйар кэмигэр үлэлэрэ икки бүк күүһүрэр. Өр сыл бэриниилээхтик үлэлиир, иниспиэктэр Михаил Дедюхин кэлиҥҥи кэмҥэ өрүскэ сылдьааччылар эппиэтинэстээх буоллулар диэн тоһоҕолоон этэр. Ол эрэн уу суоруллубат сокуонун кэһэн - тыаллаах-күүстээх күҥҥэ тахсыбыт дьон бааллара биллэр.

Татьяна Степанова, ЫБММ СС салалтатын ууга куттал суох буолуутун хааччыйар салаатын салайааччытын солбуйааччыта: «Сыл саҕаланыаҕыттан өрөспүүбүлүкэ үрдүнэн 40 киһи олоҕо ууга былдьанна, ону тэҥэ 6 сураҕа суох сүттэ. Билигин суудуна ыытааччыларга кутталлаах кэм үүнэн турар. Халлаан туруга уларыйан туман, тыал, хаардаах ардах, суудуна тоҥоро – бу барыта ууга быһылаан үөскэтиэн сөп. ГИМС инспиэктэрдэрэ күн ахсын уу эбийиэктэригэр патрулирование, профилактика үлэтин ыыталлар».

Манна даҕатан эттэххэ, бу эйгэҕэ үгүс кэһии докумуоҥҥа уонна техническай көрүүгэ сытар. Сорох суудунаны ыытааччыллар олох даҕаны оҥочолорун учуокка туруорбатах түгэннэрэ баар. Манна даҕатан эттэххэ, суудунаны ыытаачылларга ыстыраап 5-тэн -10 тыһ тиийэ.