"Култуура кыайыы туһугар" диэн быыстапка арыллынна

Ол кэминээҕи хаартыскалар, суруктар... Аҕа дойду Улуу сэриитин кэмигэр култуура эйгэтин үлэһиттэрин хорсун быһыыларын, кыайыыларын, олорон, үлэлээн ааспыт дьоһун олохторун кэпсиир быыстапка Саха сиригэр турда.

Бүтүн Арассыыйатааҕы быыстапкаҕа Аҕа дойду Улуу сэриитин кыттыылааҕа, Үөһээ Бүлүү улууһун бочуоттаах олохтооҕо Николай Николаевич Иванов маллара, суруктара, ахтыылара көрдөрүүгэ эмиэ турдулар.

Афанасий Ноев, СӨ култуура уонна духуобунай сайдыы миниистирэ: “Биир чаҕылхай көстүүнэн буолар, бу саха норуотуттан Николай Николаевич Иванов Россия араас куораттарыгар култуура салаатыгар үлэлии сылдьан дойдутун көмүскүү барыбата”.

"Култуура Кыайыы туһугар" улахан суолталаах бырайыак буолар. Тустаах бырайыак бастакы быыстапката саас Москва куоракка арыллыбыта, ол кэннэ хас да Россия регионнарыгар сылдьан биһиэхэ кэллэ. Бу бырайыак олоххо киирэригэр сүрүн үлэни култуура волонтердара ыыттыллар.

Ольга Пономарёва, култуура волонтёра: “Сэттэ региоҥҥа турар быыстапка. Элбэх үлэни оҥорбуппут. Экспонаттар хайдах тиийиэхтэрэй диэн долгуйбуппут, өр күүттүбүт. Онтон билигин дьэ арылынна”.

Быыстапкаҕа хас биирдии кэлбит көрөөччүнү култуура волонтердара көрсөн, быыстапканы сиһилии кэпсээн биэрэллэр. Манна хас биирдии экспонат күндү уонна суолталаах.

Күннэй Прохорова, култуура волонтёра: “Быыстапканы көрө кэлбит дьоҥҥо көмөлөһөбүн. Кинилэр бу планшеттарга хаартыскалары көрүөхтэрин сөп. История чахчыларын истиэхтэрин сөп”.

Көһө сылдьар быыстапка биир ый кэриҥэ туруоҕа, ол кэм иһигэр олохтоохторго, ыалдьыттарага хас да тэрээһиннэр ыытыллыахтара.

“История кэрчиктэрин кэпсиир быыстапкаҕа бары а50 тахса экспонат көрдөрүүгэ турда. Ону таһынан көрөөччүлэр мультимедийнай экраннарга ахтыылары истиэхтэрин сөп”, - Ирина Гольдерова, корреспондент.