Өрөспүүбүлүкэҕэ хаарбах туруктаах дьиэттэн дьону көһөрүү бырагыраама 3 түһүмэҕэ ыытыллар

Кыраан көмөтүнэн үлэһиттэр улахан кыамталаах массыынаны мас бөҕүнэн толороллор. Бу Лермонтова 60 гыммыт 2 нүөмэрдээх икки этээстээх мас дьиэтин көтүрэн хомуйаллар. Бу дьиэ 2017 сыллаахха хаарбах туруктааҕынан биллэриллибитэ. Уопсайа 495 кв. миэтирэ иэннээх икки этээстээх мас дьиэҕэ 16 квартира турбута.

Күн бүгүн киин куоракка 30-ча хаарбах уонна аварийнай туруктаах элбэх кыбартыыралаах дьиэ босхолонон көтүрүллэргэ бэлэм турар. Көтүрүү үлэлэрэ бу Лермонтова уулуссатыттан саҕаланнылар. Салгыы Халтурина 65 нүөмэрдээх дьиэни көтүрүөхтэрэ, маны тэҥэ бу күннэргэ Кангалаас бөһүөлэгэр баар хаарбах туруктаах элбэх кыбартыыралаах дьиэни ыраастыахтара.

Вадим Семёнов, Дьокуускайдааҕы дьиэ-уот департаменын дириэктэрин солбуйааччыта: «Дьокуускай куорат үрдүнэн 1300-тэн тахса хаарбах туруктаах дьиэ баар. 2017 сылга дылы хаарбар туруктааҕынан биллэриллибит дьиэлэр көтүрүллэ сылдьаллар. 957 кэриҥэ дьиэ аныгыскы бырагырааманы күүтэр. Аныгыскы түһүмэхпит федеральнай сокуон этэринэн, билигин буола турар бырагыраама Саха сирэ үрдүнэн муниципальнай образование барыта саптаҕына биирдэ».

Кэлэр түһүмэх балаҕан ыйын 1 күнүн кэннэ саҕаланыахтаах. Онуоха диэри бары муниципальнай тэриллиилэр бу түһүмэҕи сабыахтаахтар. Оттон күн бүгүн өрөспүүбүлүкэ үрдүнэн хаарбах уонна аварийнай дьиэттэн көһөрүү бырагыраама 3 түһүмэҕэ ыытыллар. Бу биэс сыл иһигэр номнуо 2600 тахса эргэ дьиэни көтүрдүлэр.

Матрёна Старостина, СӨ тутуу дирекциятын сүрүннүүр исписэлииһэ: «Уопсайа 159 элбэх кыбартыыралаах дьиэ тутуллан 54 тыһ. киһи кэриэҥэ көстө. Бырагыраама уопсай үбүлээһинэ 119 млрд солк. буоллаҕына 13,5 млрд суумаҕа 5 тыһ. ыал уу харчынан компенсация ылан олорор усулуобуйаларын тупсардылар. Бүгүҥҥү туругунан 155 тыһ. кв.м. 15 тыһ. киһи балаҕан ыйын маҥнайгы күнүгэр дылы көһөрүллэрэ хаалла».

Оттон бу сыл бүтүөр диэри Саха сиригэр 48 тыһ. тахса киһини хаарбах уонна аварийнай туруктаах дьиэттэн көһөрөр сыал турар. Манна анаан үгүс саҥа элбэх кыбартыыралаах дьиэ тутуллан киирэр. Бу сылга өссө 9 эбийиэк дьэндэйиэхтээх.