Все новости

Дьокуускай оскуолаларыгар быстах саҥардыы үлэлэрэ ыытыллар

45

Ититии ситимин турубаларын уларытыыттан саҕалаан бүттүүн оскуола ис тас бараанын саҥардыы. Бу маннык оннуттан өрөмүөн киин куорат икки оскуолатыгар ыытыллар. Ыччат уонна оҕолор диэн национальнай бырайыак чэрчитинэн үлэ ыытыллар.

Гаврил Леонтьев, Дьокуускай куорат үөрэх салалтатын салайааччытын солбуйааччыта: «Саха – кэриэй уонна 16№-дээх оскуолаларга өрөмүөн ыытылла турар. Уопсайа 50 мол. солк. көрүллэн турар. Ону үрдүнэн, “Развитие образования” муниципальнай бырагырааманан быйыл 20-тэн тахса оскуолаҕа өрөмүөн ыытыллыбыта».

Дьокуускй куорат 16 нүөмэрдээх оскуолата 90-с сыллардааҕы тутуу. Манна өтөрүнэн өрөмүөн үлэтэ ыытыллыбатаҕа. Онон өр кэтэһиилээх уонна долгутуулаах кэм дьэ үүннэ. Билигин хас да биригээдэ тэҥинэн үлэлиир. Уоту тардыы, ититии ситимин бүтүннүү уларытыы, канализацияны саҥардыы, муостаҕа саҥа кафель тэлгээһин, истиэнэлэри кырааскалааһын үлэлэрэ ыытыллар.

Наталья Ким, Дьокуускай куорат 16-с №-дээх орто оскуолатын дириэктэрэ: «В рамках модернизации у нас улучшатся условия в большинстве кабинетов, подведена вода и канализация во все кабинеты начальных классов, у нас раньше этого не было. Подведены вода и слив во многие учебные кабинеты, все, в которые требует СанПин».

Кырдьык да оскуола тас көрүҥүттэн саҕалаан биллэ уларыйбыт. Кабинеттар сырдык, ыраас буолбуттар. Аны туран медиссиинэ хоһун эмиэ бүтүннүү саҥартылар. Остолобуойга, спортивнай саалаҕа эмиэ үгүс үлэ ыытыллар. Аны туран үөрэнэр кабинеттарга истиэнэ өҥнөрүн нормативынан таллылар. Кыра кылаастарга розовай - бу орлята хамсааһыны бэлиэтиир, оттон үрдүкү кылаастарга халлаан күөҕэ бастыҥнар хамсааһыннарын өҥө. Оттон быстах өрөмүөн үлэтэ 20 тахса оскуолаҕа ыытылынна.

Андрей Новоприезжий, Дьокуускай куорат 20-с №-дээх орто оскуолатын дириэктэрэ: «Быйыл үп көрүллэн ититии уонна канализация ситимнэригэр улахан өрөмүөн буолла уонна тас көрүҥ үлэлэрэ бара тураллар».

Онон саҥа үөрэх дьылыгар оскуолаларга бэлэмнэнии үлэтэ тигинэччи бара турар. Маныаха быйыл киин куоракка өссө икки саҥа оскуола үлэҕэ киирэрэ былааннанар. Ол курдук, биир баараҕай үөрэх кыһата Михаил Ефимович Николаев аатынан 40-с нүөмэрдээх оскуола уонна өрөспүүбүлүкэтээҕи инклюзивнай киин оскуолата.