Дьокуускай-Аллараа Бэстээх хайысханан салгынынан таһаҕаһы тиэрдии саҥа көрүҥ үлэлиир

Таһаҕаһы тиэрдэр дрон үһүс рейсэ киин куораттан аттанна. Бу сырыыга араас бородууктаны тиэнэн барда. Уопсайа күҥҥэ тустаах көтөр аал 10-ча рейси толорор. 10 киилэҕэ тиийэ таһаҕаһы биир көтүүгэ илдьэр кыахтаах.

Сергей Протопопов, "Буун маркет" таһаҕаһы тиэрдэр бырайыак ааптара: «Дьоннор ордук ас, докумуон уонна эмп сакаастыыллар. Биһиги алтынньы ый бүтүөр диэри көтөөрү гынабыт. Бу бастакы таһымах, күн аайы 10 рейс оҥоробут».

Дрон таһаҕаһы аннараа биэрэккэ 15 мүнүүтэнэн тиэрдэр. Салгынынан көтөр бэйэтэ туспа суоллаах. Бу барыта туһааннаах биэдимистибэлэр көҥүллэринэн. Маныаха көтөр уонна түһэр анал былаһааккалаах. Холобура, киин куоракка Намыв станцияттан көтөр. Манна кинини пульт нөҥүө оператор салгыҥҥа эрэ таһаарар. Онтон дрон бэйэтэ көтөн барар.

Антон Меденцев, дрону көтүтэр пилот: «Сейчас борт летит по автомиссии. Соответственно, оператор может даже не управлять. Оператор следит за пультом, следит, чтобы никаких помех не возникло, и в случае непредвиденных ситуаций может взять управление на себя. Он знает свой маршрут, также посадку производит на автоматике».

Аннааа биэрэккэ дрон туспа түһэр балаһааккалаах. Онтон дьон таһаҕаһын бэйэтэ кэлэн ылар. Аҕыйах күн иһигэр номнуо хас да киһи баһыылка тутта.

Оттон таһаҕас ылларарга анал төлөпүөн сыһыарыытынан киирэн сайаапка хаалларыллар. Маны барытын киин куоракка баар үлэһиттэр көрөн ситимнииллэр.

Дьэ ол кэннэ курьер ылан дрон көтөр балаһааккатыгар тиэрдэр. Даҕатан эттэххэ, баһыылка Аллараа Бэстээххэ сайаапка киирээтин кытта час аҥарын кыайбат бириэмэнэн тиийэр. Онон ыксаабыт дьоҥҥо сүрдээх улахан көмө. Салгынынан тиэрдии өҥөтө үлэлиэҕиттэн аҕыйах күн иһигэр  тустаах дьоҕус таһааччы номнуо сүүһүнэн киилэ таһаҕаһы тиэртэ.