Хаҥалас улууһун киинигэр волонтерскай хамсааһын  үтүө дьыалатын оҥорор

Покровскай куорат олохтооҕо, билигин ытык сынньалаҥар олорор Наталья Старостина бэйэтэ баҕа өттүнэн кэлэн "Саха сирин бойобуой шелкопрядтарын" салаата Хаҥалас улууһугар арылларын истэн көмөҕө туруммут. Билигин кини күн аайы үлэтин курдук, атын волонтер далбардары кытары хаххалыыр сиэккэ өрөр.

Наталья Старостина, волонтёр: «Тастыҥ бырааттарым сылдьаллар, ол иһин чугастык ылынабын. Бары этэҥҥэ сылдьаллар, кыратык да буоллар бэйэм өттүбүттэн көмөлөһөбүн. Түргэнник сэрии бүтэрин баҕарабыт».

Ааспыт сыл тохсунньутугар Хаҥалас улууһун киинигэр  "Саха сирин бойобуой шелкопрядтарын" салаата Покровскай куоракка арыллыбыта. Ол кэмтэн ыла сүрүн састаап тэриллэн, билигин манна 10-тан тахса волонтер ис сүрэхтэриттэн үлэлии сылдьаллар. Номнуо кинилэр сиэккэлэрэ бойобуой соруктары толорорго күүс-көмө буолбуттар.

Эмиэ сүрэҕин баҕатынан кэлэн көмөлөһө сыдьар Розалия Капустина сиэккэни олус үчүгэйдик өрөр буоллум диэн санаатын үллэстэр. Кыргыттар үөрэтэннэр, үгүс маастар-кылаастары ааһаммыт билигин сиэккэ өрүү кистэлэҥин билэбин диэн кэпсиир.

Розалия Капустина, волонтёр: «Хаһыакка биллэриигэ ааҕан кэлэн үлэлээн саҕалаабытым. Күнү быһа турдахха түргэн буоллаххына биир сиэккэни оҥоруохха сөп».

Оттон маны барытын иилэн-саҕалаан, тэрийбит киһинэн буолар Елена Руслановна Сальченко. Кини көҕүлээһинэн бойобуой шелкопрядтар Хаҥалас улууһугар өрө көдьүүстэхтик үтүө дьыла оҥороллор.

Елена Сальченко, түмсүү салайааччыта: «Спонтанно получилось, не думали, что прямо пункт такой будет. В итоге выросло в то что мы уже более 1,5 лет работаем, коллектив крепкий создался».

Бу курдук, Хаҥалас далбардара туох баар кыахтарынан Кыайыыны уһансыыга күүстэрин-уохтарын ууран туран үтүө дьыаланы оҥороллор.