Федеральнай таһымнаах "Халыма" суолун аартыгар "Саханефтегазсбыт" запраавката үлэтин саҕалаата

Аныгы ирдэбилгэ толору эппиэттиир заправка ыстаансыйата үөрүүлээх быһыыга-майгыга Таатта улууһун киинигэр арылынна. Нэһилиэккэ тыын суолталаах эбийиэк арыллыытыгар Өрөспүүбүлүкэ Ил Дархана  Айсен Николаев уонна "Саханефтегазсыбат" салайааччыта Виктор Лебедев кыттыыны ыллыллар.

Заправка олус киэҥ-куоҥ, эбийиэк бэйэтэ 233 кыбадыраатынай миэтирэ иэннээх, иһигэр олус улахан маҕааһыннаах, маны утахтан саҕалаан, суолга наадалаах мал-сал атыыланар. 4 сылын манна операторынан улэлиир Алексей Боппосов үөрүүтэ баһаам. Үлэлиир усулуобуйа икки бүк үрдээтэ диэн санаатын үллэстэр.

Алексей Боппосов, тэрилтэ үлэһитэ: «Урут боростуой, аҕыйах колонкалаах, биир эрээт уонна аспаал игин буолбатах этэ. Билигин аныгы ирдэбилгэ барытыгар эппиэттиир. Скоростной колонкалаахпыт дизельнай улахан массыыналарга. Кыра оҕолоох дьоҥҥо табыгастаах буолла, туалекка оҕо суулуур остуоллаах».

4 улахан резервуар, кыра тимир көлөлөргө эмиэ 4 колонка уонна 2 улахан кыаматалаах масыыналарга анал колонкалар үлэлииллэр. 

Биир күҥҥэ заправка 550 массыынаны аһарыдыан сөп. Манна Регуляр-92 уонна Премиум-95 бензины куттуохха сөп. Итиэннэ дизели.

Павел Егоров, тэрилтэ Аллараа Бэстээҕи филиалын сүрүн инженерэ: «Биһиэхэ саҥа колонкалар турдулар. Икки скоростной колонка. Ону таһынан электромобиль иитэр колонкалар турдулар. "Саханефтегазсбыт" филиалларыгар 13 заправка баар. Маннык улахан соҕотох».

Онтон маннык нэһилиэнньэҕэ суолталаах саҥа эбийиэк Тааттааҕа ыытылла турар Манчаары онньууларын чэрчитинэн үөрүүлээх быһыыга-майгыга арылынна.