Дьокуускайга Эпос уонна искусство Арктикатааҕы Киинин тутуу салҕанар

Арктикатааҕы Эпос уонна олоҥхо киинин тэбэр сүрэҕэ - олоҥхо тыйаатырын саалата. Ханна да суох ураты уустук тутуулаах. Хас да хаттыгастаах сценалаах буолуохтаах. Билигин ону таҥыы барар. Сүрүн өттө 3 ураһаҕа турар. Онон тыас - уус мааны буолуохтаах диэн тутааччылар этэллэр. Саҥа саала хайа баҕар уустук туруорууга сөп түһбэһэр кыахтаах.  

Андрей Борисов, Арктикатааҕы эпос уонна искусство  киинин дириэктэрэ: «Зрительнай саалабыт эмиэ трансформер. Холобур, зрительнай саала иннигэр оркестровай яма баар, опернай улахан театр кэллэҕинэ. Эбэтэр сцена буолан хаалар, эбэтэр зрительнай саала буолан хаалар. Партербыт балкон анныгар бараалар уонна сцена буолан түһэр».

Кырдьык да манна барыта хатыламмат, ураты. Хас биирдии саала туох эрэ уратылаах, саха норуотун култууратын, чуолаан олоҥхону, сырдатар. Киирээти кытта аныгы технологиянан сырдыыр Аал Луук мас баар буолуо. Бу баараҕай уораҕайга Олонхо уонна Саха тыйаатырдара, Саха сирин судаарыстыбыннай филармонията дьиэлэниэхтэрэ. Тутуу уопсай иэнэ 33 тыһыынча кыбадыраатынай миэтэрэ. Арктикатааҕы эпос уонна олоҥхо киинин тутуу түмүктүүр түһүмэҕэр тиийдэ. Ол курдук тас бараан бүтэн, ис оҥоһууга тутааччылар түбүгүрэллэр.

Денис Черноградский, "ВИС группа" тэрилтэ инженерэ: «Уопсай туруута 80% буолла. Билигин истиэнэ күүһүрдүүтэ бара турар, штукатурка, таастары бүтэрдилэр».

Киин тас өттө барыта өстүөкүлэ буолуо, маныаха дойдубут тыйыс тымныыта, ураты климата барыта учуоттаммыт.  Хас да биригээдэ ис-тас өттүгэр тэҥинэн үлэлиир. Балтара тыһыынча кыбадыраатынай миэтэрэ иэннээх сир таска оҥоһуллуо. 

Евгений Петров, ВИС группа" тэрилтэҕэ үлэни тэрийээччи: «Мин эппиэтинэһим благоустройство өттүтэ. Суол, парковка, дьон сылдьар сирин. Уонна иһирдьэ колонна туруора сылдьаллар».

Кииҥҥэ тыйаатырдары тэҥэ  улахан тэрээһиннэргэ анаммыт саала, быыстапкалыыр, сиэр-туом ыытар сирдэрр, репетициялыыр зоналар, тыаһы-ууһу суруйар студия баар буолаллара күүтүллэр.  Бу Кииҥҥэ классическай кэнсиэрдэртэн театр турорууларыгар тиийэ улахан тэрээһиннэр биир былассаккаҕа ыытыллар кыахтаныахтара.

Ил Дархан Айсен Николаев этиитинэн эбийиэк балаҕан ыйыгар судаарыстбаннас күнүгэр үлэҕэ киириэхтээх. Онон үлэ тэтимнээхтик барар.