Дьокуускайга Сайсары ырыынагар бэйэ оҕуруот аһа ситэн атыыга таҕыста

56

Сайсары ырыынакка киириигэ оҕуруот ас, фрукта эгэлгэтэ тэлгэммит. Сүрүннээн кэлии бородууксуйа хотойорунан - арбуз, дыня, клубника, черешня. Сибиэһэй оҕуруот аһын ылаары дьон күннэтэ тоҕуоруһар, атыы-тутуу тиһигин быспат. Саина Евсеева фруктаны сүрүннээн ырыынактан кэлэн атыылаһабыт диэн этэр.

Саина Евсеева, Дьокуускай олохтооҕо: «Клубника уонна черешня ыллыбыт. Сыаната чэпчэки курдук. Дыня ыллым. Арбуз билигин саамай кэмэ».

Арбуз биллэ элбээбит. Кыраны амсайыаххын баҕарар буоллаххына, маннык быһыллыбыты 300 саҕалаан атыылаһыахха сөп.  Оҕурсуну киилэтин 2 мөһөөхтөн, помидору 250 солкуобайтан ыла атыылаһыахха сөп. Атыыһыттар бэйэлэрэ этэллэринэн, ааспыт сылтан сыана кыралаан үрдээбит.

Анна Петрова, атыыһыт: «Огурцы, зелень, редиска и капуста местные. Цены как прошлогодние, чуть выше».

Олохтоох хаппыыста кыралаан атыыга тахсан эрэр, сыаната 300. Кэлии помидор, хаппыыста, луук Казахстантан уонна атын регионнартан кэлэр. Моркуоп киилэтэ 180 турар, биэрэс 3 анар мөһөөхтөн тахса.  Дьон кыралаан амсыйыыга эрэ ылабыт диэн этэр.

Ыһыах кэннэ Дьокуускайга ыалдьыт элбэх. Татьяна, Оксана туристар. Красноярскай куораттан ыһыахтыы диэн аан бастакытын Саха сиригэр кэлбиттэр.

Татьяна Питкун, Оксана Усова - Красноярскай куорат олохтоохторо: «Цены отличаются от Красноярска. Уровень цен выше на 15-30%. Кстати, на рынке дешевле чем в магазинах. Черешню продают за 500, у нас она 650 стоит. В принципе, доступно. Огурцы – 150-200, у нас рублей 90».

Хортуоппуй сыаната бу сааскыттан хайа эмэ түһэн турар. Киилэтин 100 солкуобайтан саҕалаан атыылаһыахха сөп.