Саха сиригэр сибээс 35 ыстаансыйата тутуллуоҕа

Саха сиригэр тутулуллар Өлүөнэ муостатын өйөбүлэ улаатар. Петербургтааҕы  экономическэй форум чэрчитинэн "Инвестицияны быһа үбүлүүр  Россиятааҕы пуонда" уонна "ВИС группа" концессионнай бырайыак чэрчитинэн бииргэ үлэлэһиигэ сөбүлэҥ түһэристилэр.

Саха сирэ норуоттар икки ардыларынааҕы сибээһи олохтуур. Форум чэрчитинэн Ил Дархан Киргизия, Соҕуруу Осетия, Беларусь, Бахрейн Королевствотын салайааччыларын кытта көрүстэ.  Маны таһынан дойду атын регионнарын кытары бииргэ үлэлэһиигэ сөбүлэҥнэр баттаннылар. Бу испииһэккэ Башкортостан, Новгород уобалаһа, Хакасия уо.д.а.  бааллар.

Саха сиригэр 35 сибээс базовай станцията тутуллуоҕа. Өрөспүүбүлүкэ  бырабыыталыстыбата  "Вымпел Коммуникации" тэрилтэни кытта көрсүһүүтүгэр бу быһаарыныы бигэргэннэ. Маны сэргэ суотабай сибээс 40 эбийиэгэ саҥардыллыаҕа. Бу  сибээс оператора Саха сиригэр 461 нэһилиэнньэлээх пууну сибээһинэн хааччыйар.

Өрөспүүбүлүкэ Ил Дархана дойду тутууга миниистирин Ирек Файзуллины кытта көрүстэ. Сүрүн болҕомто  Арктика эргин тутуу нуормаларыгар  уонна олох-дьаһах колммунальнай инфраструктуралара болҕомто уурулунна. Ол иһигэр Алдаҥҥа газовай котельнай тутуутун туһунан кэпсэттилэр.

Россияҕа "Инновационнай регионнар" ассоциацияларын баһылыктара көрүстүлэр. Маннык көрсүһүүлэр федеральнай уонна региональнай былаастар инники сайдыыга бииру уопсай тосхолунан үлэлииллэригэр төһүү күүс буоларын Ил Дархан бэлиэтээтэ.

Бүгүн форум сүрүн чааһа пленарнай мунньах. Дойду президенэ Владимир Путин кыттыыны ылыаҕа.