Тутуу кэмэ саҕаланна

Аан бастаан маһы таҥар пилораматтан саҕалаан, билигин бүтүн сип-панеллары бэйэлэрэ оҥорон таһаарар сыаҕы Мэҥэ Хаҥалас Төхтүрүн уолаттара арыйдылар. Манна миэстэтигэр пенополистиролу кытары эмиэ бэйэлэрэ оҥороллор. Бу сыалга-сорукка анал оборуудабанньа атыылаһыллыбыта диэн сыах салайааччыта Василий Борисов кэпсиир.

Василий Борисов, сыах салайааччыта: «Манна үллүннэрэн саҕалыыбыт, онтон блок оҥоробут, онтукабыт СИП кээмэйинэн тахсар. Оһоҕунан оттон паар оҥоробут. Уонна хайдах сакаастыылларынан быһабыт, ол кэннэ СИП баттатабыт».

Бу курдук Мэҥэлэргэ киин куоракка киирбэккэ сип-панеллары атыылаһар кыахтанныллар. Аныгы үйэ матырыйаалынан дьэндэтиллэр дьиэлэри дьон чугастык бэйэтигэр ылынна. Оттон манна даҕатан эттэххэ, билигин сыахха 3 буолан үлэлииллэр. Чугас эркин нэһилиэктэр сакаастаталлар, онон үлэ тохтоло суох барар.

Салайааччы Индияна Григорьева риэлторскай тэрилтэтигэр үлэ күөстүү оргуйар. Тутуу кэмэ буолбута биллэр. Дьиэ атыылаһааччылар, да туттарааччылар да үгүстэр. Манна сүрүн оруолу дьиэни ылыыга да  туттарыыга да, араас уларыйыылар киирбиттэр.

Индияна Гермогенова, риэлторскай тэрилтэ салайааччыта: «СВО кыттыылаахтарыгар уларыйыы киирдэ. Бэс ыйыттан кинилэргэ уонна дьиэ кэргэннэригэр Уһук-илин ипотекатынан туһанар кыахтаах буоллулар».

Маныаха чааһынай дьиэ туттар сир сыаната лаппа түспүтэ бэлиэтэнэр. Онон билигин сир учаастактарын атыылаһарга саамай тоҕоостох кэм. Оттон манна чопчулаан этэр буоллахха, Саха өрөспүүбүлүкэтин тутуу министиэристибэтэ иһитиннэрэринэн

Манна даҕатан этэр буоллахха, билигин тутуу  матырыйаалларын, инструменнарын сыаната үрдээһинэ билиҥҥи экономика балаһыанньатыттан быһаччы тутулуктанар. Аны бу көрүн табаар судаарыстыба хонтуруолугар турбат. Инньэ гынан бэйэ бородууксуйатын сайыннарыыга тоҕөоостоох кэм үүннэ.