Өрөспүүбүлүкэ үрдүнэн баһаартан сэрэтии ыйынньыга салҕанар

Баһааратан сэрэхтээх буолуу ыйынньыга Хатас нэһилиэгэр бу курдук барыллаахтык саҕаланар. Олохтоох баһаарынай чаас инструктора Сардаана Сосина ыаллары кэрийэ сылдьан иһитиннэриилээх ыйынньыктары биэртэлиир, уоттан сэрэхтээх буолары санатар.

Муус устар 30 күнүттэн ыам ыйын бүтэһигэр диэри Өрөспүүбүлүкэ үрдүнэн "Баһаартан сэрэхтээх буолуу" ыйынньыга ааһар. Ол чэрчитинэн Саха сирин баһаары утары сулууспата сэрэтэр үлэтин ыытар. Билигин саамай уот туруон сөптөөх кэмэ, онон улахан болҕомто мас дьиэлэргэ.

Сардана Сосина, Хатастааҕы 8№-дээх баһаарынаай чаас инструктора: «Сааскы бырааһынньыктарынан баһаар буолар кутталлаах кэм саҕаланна. Мангал чааһынай олбуорга дьиэттэн 5 миэтэрэ ыраах туруохтаах. Мангал тула бөх хомуллуохтаах уонна баһаар утары сирин хаһыахха наада».

Маныаха баһаарынай инструктордар мангаалга бэлэм чоҕу туһанарга итиэннэ тула өттүгэр кыра дьаама хаһары сүбэлииллэр. Маныаха бөҕү - сыыһы, уматыыны, өртөөһүнү боболлор.

Маныаха бу күн Кэнчээри оҕо уһууйааныгар оонньуу быһыылаах баһаартан сэрэтии дьарыга ааста. Кыра дьон олус болҕомтолоохтук истэн, сорудахтары барытын толордулар. Элбэҕи биллилэр-көрдүлэр.

Ольга Андреева, СӨ баһаары утары сулууспатын профилактика салаатын инженерэ: «Сыл аайы оҕолорго маннык пособие оҥоро сатыыбыт, видеороликтары устабыт. Уонна билигин Синергиялары кытта Роблокс оонньууга бэйэбит интерактивнай оонньуу тэрийэ сылдьабыт».

Манна даҕатан эттэххэ, күн бүгүн Өрөспүүбүлүкэ үрдүнэн статистика хобдох сыыппырата көрдөрөрүнэн баһаар ахсаана намтаабат.

Елена Громова, СӨ баһаары утары сулууспатын профилактика салаатын инженерэ: «Сыл саҕаланыаҕыттан 678 баһаар буолла. Ол быыһыгар 28 киһи суорума суолланна уонна 34 киһи эчэйиини ылла. 1000-тан тахса риэйдэвэй тэрээһиннэр буоллулар».

Онтон бу ыйынньык устата тустаах тэрээһиннэр ыыттылан бара туруохтара.