Анал байыаннай дьайыы кыттыылаахтарыгар Улуу Кыайыы 80 сылынан кэһии бэлэмнииллэр

“Волонтердар ыстааптарыгар үлэ күөстүү оргуйар. Улуу Кыайыы 80 сылын көрсө амарах санаалаах волонтердар байыастарга бэлэх бэлэмнииллэр”, - Ирина Гольдерова, корреспондент.

"Якутия с тобой" өрөспүүбүлүкэтээҕи уопсастыбаннай волонтердар ыстааптарын байыастара Улуу Кыайыы 80 сылынан анал байыаннай дьайыы кыттыылаахтарыгар кэһиилэри бэлэмнииллэр. Истиҥ эҕэрдэ открыткалары икки тылынан суруйаллар. Маны тэҥэ таҥас-сап тигэллэр.

Бэлэх нобуоругар хас биирди байыаска сахалыы харысхал, өстөөхтөн харыстанарга анаммыт бэргэһэ, суруналларыгар блокноттаах ручка уонна да атын наадалаах маллар бааллар. Маны таһынан хас биирдии кэһиигэ баҕа санаалаах илиинэн суруллубут открытка угуллар.

Анна Ефимова, "Якутия с тобой"  хапсааһын бэрэссэдээтэлэ: "Бэйэҕит баҕа санаабытын, уолаттар түргэнник эргийэн кэллиннэр диэн уонна бойобуой сүргэлэрин көтөҕөөрү".

Бу курдук волонтердар 50 устуука эҕэрдэ суругу бэлэмниэхтэхтэр. Бу хас биирдиилэригэр долгутуулаах. Онон кыһаллан, долгуйан туран суруйаллар. Открыткалары икки тылынан бэлэмнии сылдьаллар.

Анна Ефимова,"Якутия с тобой"  хапсааһын бэрэссэдээтэлэ: "Бу открыткабытын суруйа сылдьабыт. Бу күннэргэ ыытыахпыт. 2025 сылга киирэн баран 10 туонна гуманитарнай көмөнү ыыттыбыт".

Күн бүгүн волонтердар ыстааптарыгар 50-чэ киһи үлэлии-хамсыы сылдьар. Манна сүрүннээн ийэлэр, эбэлэр кэлэн көмөлөһөллөр. Оттон мал-сал хомуйарга, тиэйэргэ устудьуон волонтердар кэлэн күүс-көмө буолаллар.

Ньургустаана Захарова ыстаапка кэлэн көмөлөспүтэ иккис сылыгар барда. Кини билигин анал байыаннай дьайыы кыттыылаахтарыгар бэргэһэ тигэ сылдьар. Уолаттарбыт этэҥҥэ эргиллэн кэлэллэригэр, төһө кыалларынан  көмө оҥороллорун этэр.

Ньургустаана Захарова, волонтёр: "Бу манна эбии тигиилэрдээх. Онно лабаа иилиниэхтэрин сөп. Харысхаллаах буолуохтарын сөп. Биһиги баҕа санаабыт диэн уолаттарбыт биһиги илиибит сылааһын иҥэринэн бигэ санаалаах буолуннар".

Саха ыччата дойдуларын көмүскэлигэр сылдьаллара барыбытын долгутар, бары түмсэн ыраахтан да буоллар төһө кыалларынан күүс-көмө, өйөбүл буолабыт.