Хатас оскуолата Наука академиятын анал сертификатын ылла

Хатастааҕы агро хайысхалаах оскуола үөрэҕи уонна үлэни холбуу тутан оҕолору билиигэ угуйар. Манна оҕолору оҕуруот аһын араас көрүҥүн үүннэриигэ уһуйалларын таһынан, үөрэнээччилэр айбыт туһалаах бырайыактара олоххо киирэллэригэр күүс-көмө буолаллар.

Николай Матвеев, Хатастааҕы агротехнологическай оскуола дириэктэри саҥаны киллэриигэ уонна агро хайысхаҕа солбуйааччы: "Маннык “Агро Куб” дойду үрдүнэн 7 эрэ баар. Уһук Илиҥҥэ биһиги соҕотохпут. Оҕоллрбут научнай барайыактарын олоххо киллэрэн, сырдата сатыыбыт".

Сылын аайы оҕолор айбыт үлэлэрэ үрдүк ситиһилэнэллэр, элбэх киһи сэнээриитин ылаллар. Любовь Окорокова үс көрүҥнээх киһи доруобуйатыгар туһалаах чэй айан таһаарбыт.

Любовь Окорокова, Хатастааҕы агротехнологическай оскуола 10 кылааһын үөрэнээччитэ: "Кыһын битэмиин тиийбэт кэмигэр иһэргэ анаан отоннортон уонна эриэхэттэн эбилик оҥордубут ".

Павел Марков бырайыага былырыын дойду бастыҥ быыстапкатыгар үрдүк сыанабыл ылан, кыһыл көмүс мэтээли ыларга ситиспитэ. Кини уулаах отонтон муорс оҥорор, бу бырайыагын 6-с кылаастан чинчийэн саҕалаабыта. 

Павел Марков, Хатастааҕы агротехнологическай оскуола 10 кылааһын үөрэнээччитэ: "Түргэнник буһар морс оҥорор киһи диэн толкуйдаабытым. Ону ийэбэр эппитим. Кинилиин Николай Афанасьевичка кэлбиппит. Ону боруобалаан көрүөххэ диэн буолбута".

Былырыын оскуола эбии тутуута киирбитэ, онон үөрэх кыһата өссө кэҥээн, сайдан олорор. Бу соторутааҕыта Россиятааҕы Наука академиятын анал сертификатын ылла.

Николай Слепцов, Хатастааҕы агротехнологическай оскуола дириэктэрэ: "Россияҕа бу маннык сертификаты 12 оскуолаҕа биэрдилэр. Маннык сертификаты ылбыт оскуолалар Наука академиятын кытта бииргэ үлэлэһэн учебниктары оҥоруохпутун сөп. Уонна инникитин “Школа хозяйства” диэн барайыагы тэрийээри гыналлар”.

Онон оҕолор өссө сайдан, саҥа арыйыылары, бырайыактара олоххо киирэн.  Саха сиригэр эрэ буолбакка дойду үрдүнэн биир бастыҥ үөрэх кыһата буоларыгар ситиһэр.