Өлүөнэ өрүс уҥа кытылыгар муоста тутуутун үлэтэ бара турар

Өлүөнэ өрүс уҥа кытылыгар тигинэччи үлэ. Манна номнуо икки сыбаайа түһэрилиннэ. Уопсайа бу кэмҥэ 73 сыбаайа туруорулунна. Эбэ хаҥас өттүгэр, Табаҕа бөһүөлэгин аттыгар сүрүн үлэлэр түмүктэннилэр. Билигин бу илин эҥэргэ көстүлэр.

Владимир Сивцев, СӨ тырааныспар уонна суол хаһаайыстыбатын миниистирэ: «Быйыл бу өттүгэр 5 фундамент туроуҕа уонна 4 опора. Билигин протоканы туоруур сирин бүтэрэн эрэллэр».

Тутар былаһааккаҕа үлэ түүннэри-күнүстэри ыытыллар. Өрүс мууһа хамсыар диэри кумах кутан биэрэги бөҕөргөтөллөр. Маныаха исписэлиистэр этэллэринэн сааскы халаан уутугар бэлэмнэрэ үрдүк. Технологическай былаһааккаҕа бу күчүмэҕэйдэри үөскэтиэ суохтаах.

Антон Крупнов, «ВИС Строй» тэрилтэ тутууга дириэктэрэ: «Проект предусматривает противопаводковые мероприятия. Конструкция площадок, которые отсыпаны, они предусматривают укрепления площадок от размыва, от ледовой нагрузки. Они с вероятностью 90% выше зоны подтопления».

Өрүс мууһа устар кэмигэр биллэн турар тиэхиникэни бүтүннүү хомуйаллар. Онтон эбэ муустан ыраастанна да үлэлэр салгыы барыахтара. Билиҥҥитэ болдьохтон хаалыы суох. Маныаха бу сылга былааннаммыт үлэҕэ туһаныллар матырыйаал, тиэхиникэ барыта миэстэтигэр кэлэн турар. Быйыл коффердама диэн конструкцияны өрүскэ туруоран саҕалыахтара.

Даҕатан эттэххэ уунан устан киирэр коффердамнары Арассыыйаҕа муоста тутуутугар аан бастакытын туһаныахтара. Бу 17 миэтирэ үрдүктээх конструкция биэрэккэ хомуллан өрүс сүнньүгэр туруоруллуохтаах. Оччотугар үлэлииргэ кураанах сири үөскэтиэхтээх. Онон бу биир уустук үлэ буолуохтаах. Күн бүгүн муоста тутуутун үлэтэ икки кытылынан бара турар. Хаҥас өттүгэр муоста тирэҕин сыбаайаларын туруоруу үлэтэ 100% түмүктэннэ,салгыы үлэ уҥа биэрэккэ ыытыллар.