Дьокуускайга абилимпикс регионнааҕы күрэхтэһиитэ саҕаланна

Дьокуускайдааҕы медиссинэ коллеһа Абилимпикс күрэхтэһиини 2019 сыллаахтан ыытар. Быйыл номнуо 6 сылын чемпионат сүрүн былаһааккатын быһыытынан үлэлиир. Үөрэх кыһатыгар бүгүҥҥү күҥҥэ икки аҥар тыһыынча кэриҥэ устудьуон үөрэнэр, онтон 50-тан тахсата инбэлиитинэстээх. Саина Бочурова 2 куурус устудьуона, лабораторнай диагностика идэтигэр уһуйулла сылдьар. Абилимпикс Чемпионакка 2 сылын кыттар.

Саина Бочурова, "Абилимпикс" чемпионат кыттыылааҕа: «Бу куонкурус туһунан ааспыт сылга билбитим. Манна билсиһии уонна бэйэн кыаххын билэҕин».

Саха сиригэр Абилимпикс регионнааҕы Чемпионатыгар уопсайа 400-кэ доруобуйаларыгар хааччахтаах оскуола үөрэнээччитэ, устудьуон, исписэлиис барыта  64 хайысханан кыттар. Күрэхтэһии бу күннэргэ 10-ча араас үөрэх кыһаларыгар ыытыллар. Быйыл күрэхтэһиигэ анал байыаннай дьайыы кыттыылааҕа эмиэ холонор кыахтаах.  

Александр Сатыров, СӨ профессиональнай үөрэхтээһин институтун дириэктэрин солбуйааччы: «В этом году категория специалистов добавляется специальная категория – это участники СВО, которые также могут получить востребованную профессию».

Медиссинэ коллеһыгар быйыл 8 компетенциянан күрэхтэһии тэриллэр, олор истэригэр визаж, ногтевой сервис, лабораторнай анализ, зубной техник, массаж, фельдшер көмөлөһөөччүтэ киирэр. Ону тэҥэ быйыл аана бастакытын Школьная медицинэ диэн компетенция баар буолла.

Александра Новикова, Дьокуускайдааҕы медицинэ коллеһын дириэктэрин солбуйааччы: «Биһи былырыын "Помощник фельдшера в малых населенных пунктах" диэни киллэрбиппит. Кинилэр Москваҕа тиийэн презентация оҥорбуттара. Быйыл преподовательарбыт "Школьная медицина" диэни арыйдылар. Ол иһин быйыл регион таһымыгар көрдөрөбүт».

Этиллибитин курдук күрэхтэһиигэ 3 бөлөххө арахсан кытталлар, оскуола оҕолоро, усутудьуоннар уонна исписэлиистэр диэн. Сайнаара Сивцева Чурапчы улууһун Сылаҥ оскуолатын 9 кылааһын үөрэнээччитэ. Ногевой сервис компетеницятыгар бэлэмин көрдөрүөҕэ.

Абилимпикс тэрээһинэ инбэлиит уонна доруобуйаларыгар хааччахтаах дьоҥҥо идэ ылалларыгар, үлэ булалларыгар төһүү буолар.

Наталья Пермякова, "Абилимпикс" чемпионат кыттыылааҕа: «Биһиги бэйэбит кыахпытын, үөрэхпит чиэһин көмүскээһиннэргэ кыттааһыннар буолаллар. Кинилэртэн ананан кытта кэллэхпит».

Түмүккэ кыайыылаахтар финалга киирэн, Арассыыйаҕа баран идэлэрин маастарыстыбатын, үөрүйэхтэрин бүтүн дойду таһымыгар үрдэтиэхтэрэ.