Кыһыҥҥы суолунан хотугу улуустарга таһаҕаһы тиэйии үгэнэ

Сибиэһэй үүт ас, фрукта эгэлгэтэ итиэннэ оҕуруот аһын арааһа. Баатаҕай бөһүөлэгэр бу сонун көстүү. Аҕыйах хонуктааҕыта арыллыбыт атыы эргиэн логистика киинигэр күннэтэ атыылаһааччы толору. Бу курдук тыһыынчаттан тахса кыбадыраатынай миэтэрэ иэннээх баараҕай маҕаһыын манна өссө суоҕа.

Саргылаана Чирикова, Баатаҕай олохтооҕо: «Сыана чэпчэки курдук, киэҥ-куоҥ. Урукку курдук таһырдьа уочараттаабаппыт».

Кырдьык баатаҕайдар бу иннинэ 1960 сыллардааҕы тутуу кыра мас дьиэҕэ ыскылааттанан олорбуттара. Эргиэн локистика кииннэрэ Уһук Илин уонна Арктика сайдыытын министиэристибэтин көҕүлээһининэн тутуллаллар. Маныаха федеральнай бюджеттан уопсайа миллиард кэриҥэ тыырыллыа. Быйыл өссө 4 улууска  арыйар сорук турар, оччоҕо 13 Арктика оройуона барыта хааччыллар. Оттон Баатаҕайга саҥа арыллыбыт киин өрөспүүбүлүкэҕэ тохсус. Итиэннэ кээмэйинэн саамай улахан.

Екатерина, Александр Рожиннар, Баатаҕай олохтоохторо: «Бастакыбытын кэллибит. Уота-көүһэ куорат маҕаһыынын курдук. Сайын өттүгэр самолетунан сырыы эрдэҕинэ сыана саамай үрдүк буолар. Оҕуруот аһа, фрукта кэллэҕинэ уочарат буолар».

Онон билигин табаары харайыыга бары ирдэбилгэ толору эппиэттиир усулуобуйа тэрилиннэ. Бу бородуукта сыанатын тутууга уонна табаар ахсаанын кэҥэтиигэ туһулуо.

Сайдам Степанов, "Арктикатааҕы эргиэн-логистика хампаанньата" тэрилтэ дириэктэрэ: «Данный объект из всех арктических является самым большим ТЛЦ. Он расчитан на одновременный прием и хранение до 1800 тонн. Холодный склад на 1200 тонн, овощехранилище на 400 тонн, теплый склад на 120 тонн и холодильные камеры до 75 тонн».

Арктикатааҕы эргиэн логистика киинэ быйыл кыһыҥҥы суолунан барыта 5 тыһыынчаттан тахса туонна табаары тириэрдэр соруктаах. Билигин тиэйии-таһыы үгэнэ. Былаан бүгүҥҥү күҥҥэ 44% тиийэн турар. Оттон кулун тутар бүтүөр диэри нэһилиэктэр икки арыдларынааҕы таһыы түмүктэниэ. Оттон кэлэр нэдиэлэҕэ Муома улууһугар Хонууга эргиэн-логистика киинэ арыллыа.