Дьокуускайга "Мин дьиэ кэргэним Аҕа дойду историятыгар" диэн форум ыытылынна

4 оҕолоох Барашковтар Нам улууһун биир холобур туттар ыала. "Мин дьиэ кэргэним Аҕа дойду историятыгар" форумҥа ыҥырыылаах ыалдьыт буолан кытталлар. Оҕолор остуол оонньуутугар маастар-кылаас көрдөрөллөр.  Барашковтар Боохой аҕа ууһун сыдьааннара.

Октябрина Барашкова, форум кыттыылааҕа: «Оҕолор кыра эрдэхтэриттэн мин үлэлэһэн киирэн саҕалаабытым. Оскуолаҕа сыл аайы төрүччү көрдүүллэр, ону кылааска төрүччүлэрин кэпсии үөрэнэллэр».

Бастакытын ыытыллар форумҥа кыттааччылар 20 тахса улуустан түмсүбүттэр. Бу 3 сыллаах төрүччүнү үөрэтии бырайыагын түмүгү таһаарар тэрээһинэ. Онон бииртэн биир бастыҥ үлэ дьүүлгэ тахсар. Мэҥэ Хаһалас Төхтүрүттэн кэлбит Алгыс Попов аҕатын өттүнэн Баатара аҕа ууһу чинчийбит. 

Алгыс Попов, форум кыттыылааҕа: «Ол төрүччүнү Иван Иннокентьевич Корякин 1982 сыллаахтан үөрэтэн саҕалаабыта. Мин кини үлэтин салҕааччы буолабын. Матырыйааллары хомуйа сылдьабын. Уонна төрүччүбүтүн тоҕоостоох буоларын гына сайтка кубулутан эрэбин».

Дьиэ кэргэн үгэстэрэ өбүгэни, төрүтү билиигэ төһүү күүс буолар. Онон манна аналлаах маастар кылаастар оруоллара улахан. Үөһээ Бүлүү Дүллүкүтүгэр Соҕуруу Кореяттан кэлэн олохсуйбут эһэтин туһунан Игорь Ан бырайыага үгүс интэриэһи татта.

Игорь Ан, форум кыттыылааҕа: «Хос эһээм Дүллүкүгэ тохтообута. Оҕуруот аһын, бурдук олордон саҕалаабыт».

Ити курдук дьиэ кэргэн историята инники көлүөнэни иитиигэ улахан суолталаах. Форум түмүгүнэн эһиилгиттэн киириэхтээх дьиэ экэрэгн уруокка үөрэх пособиета таҥыллан тахсыа.

Ольга Семенова, "Кэскил" оҕо таһаарыытын дириэктэрэ: «Бу төрүччүнү үөрэтии туһунан бу предмеккэ иккис разделынан 5-11 кылаастарга ууруллан былаан оҥоһуллубут».

Форум төрүүччүнү өөсө дириҥээн туран чинчийиигэ, өбүгэ аатын үйэтитиигэ өөс күүстээх соругу туруорда.