Дьокуускайга дьиэ тутар кэмбинээт үлэтин саҕалаата

Хас да сыллаах тохтобул кэннэ дьиэ тутар кэмбинээт саҥалыы тыыннананан арылынна. Туох баар оборуудабанньа барыта саҥардыллан, тэрилтэ өссө кыаҕыран сайдыы саҥа үктэлигэр таҕыста.

Баараҕай кэмбинээккэ уруккулуу үлэ-хамнас ньиргийбитинэн барда. Манна уруккуттан олох атын эркиннэр кутуллан тахсар буоллулар. Ол курдук тас көстүүтэ, кээмэйэ итини сэргэ оҥоһуллар ньымата барыта саҥалыы.

Андрей Сторожев, "РИА - Строй" хампаанньа сүрүн технолога: «Урукку панель уратыта диэн утеплителя бетон иһигэр этэ. Билигин тас өттүттэн, тас көстүүтэ тупсуохтаах».

Эркиннэр кассетнай диэн ньыманан кутуллаллар, онон  олус көнө, дэхси буолан тахсаллар. Эбии сыбах ирдэммэт. Аны чараас буоланнар ыйааһыннара чэпчээбит. Бу оҥорон таһаарыы туттуллар хайысхатын кэҥэтиэ.

Айталина Андреева, "РИА - Строй" хампаанньа оҥорон таһаарар салаатын салайааччы: «Ыйааһына чэпчэки, улуустарга таһарга табыгастаах».

Уустук балаһыанньалаах кэмбинээт 2023 сылга  "РИА" тутар хампаанньа бас билиитигэр киирбитэ. Онтон былырыын тэрилтэ 420 мөлүөйүөн сууммалаах кредит ылан баараҕай саҥардыы үлэтин ыытта. Итиэннэ Саха сирин тутуутугар саҥа сүүрээни киллэрэр кэмбинээт үлэтин саҕалаата.

Айсен Николаев, Ил Дархан: «Собуоппут үлэлээн билигин Дьокуускай куоракка тутуу баран иһиэхтээх. Сыалбыт-сорукпут сыананы өссө түһэриэхтээхпит».

Барыллаан аҕыынан кэмбинээт күүскэ үлэлээһинин түмүгэр тутуллар дьиэ кыбадыраатынанй миэтэрэтин сыанатын 15 % тириэрдэр сорук турар.

Онтон эһиилгиттэн саҥардыы иккис түһүмэҕэ саҕаланыа. Оччоҕо собуот кыаҕа өссө күүһүрүө. Маныаха тэрилтэ былаана киэҥ.

Лия Шайнурова, "РИА" тутуу хампаанньатын генеральнай дириэктэрэ: «Мы планируем застраивать свои новые микрорайоны: Зведный и Спортивный. Также будем прорабатывать варианты развития домостроительной продукции по строительству социальных объектов, возможно ИЖС».

Онон кэмбинээт сотору кэминэн чааһынай дьиэлэри туттууттан саҕалаан тутуу бары хайысхатын уонна өрөспүүбүлүкэ бүттүүнүн хабар былааннаах.