Суус устун массыынанан айан күрэҕэ ыытыллыа

3 сылын бу спорт көрүҥүнэн дьарыктанар Дьулустан Егоров буолаары турар күрэххэ кыттаары бэлэмнэнии үөһүгэр сылдьар. Билигин кини кыһыҥҥы түһүмэххэ ох курдук оҥостон киирэхтээх, онон тимир көлөтүн бэрийэр, оҥостор. Оттон кини аан бастаан олох кыра сылдьан, компьютер симуляторынан массыынаны ыытан саҕалаабыта.

Дьулустан Егоров, М.К.Аммосов аатынан ХИФУ инженернай - техническай институтун 4 кууруһун устудьуона: "7 сааспыттан дьарыктанан саҕалаабытым. Дьиҥнээх массыынаҕа көспүтүм 3 сылым буолла. Көлөм күрэххэ анаан оҥоһуллубут. Ол курдук мотуора саҥардыллыбыт итиэннэ ыйааһына кыра буоллун диэн биир эрэ олорор сирдээх".

Кулун тутар саҕаланыытыгар аан бастакытын киин куорат 202 түөлбэтигэр "Sakha drift cup" кубогар 7 этаап ыытыллыаҕа. Билигин бэлэмнэнии үгэнэ.Тэрийээччилэр иһитиннэрэллэринэн быйылгы күрэххэ үгүс элбэх уларыйыылар киирдилэр.

Николай Никитин, "Sakha drift cup" күрэх салайааччыта: "Быйыл кыттааччылартан лицензия көрдүүр буоллубут. Ол көҥүлү ылаары анал спортивнай  медик хамыыһыйатын ааһаллар, страховка ылаллар".

Манна даҕатан эттэххэ, техническэй спорт көрүҥүн түмсүүтэ 3 сыл аннараа  өттүгэр тэриллибитэ. Бу Николай Никитин, Александра Иванова, Виктория онтон да атын  көхтөөх эдэр дьон салайыыларынан, билигин тимир көлө спордун өрө туппут ыччаты түмэр, сомоҕолуур тэриллии "Үлэ кыбаарталарыгар" түөлбэлэнэн олороллор.

Александра Иванова, "Sakha drift cup" күрэх тэрийээччитэ: "Атырдьах ыйыгар бастакы түһүмэх ааспыта. Онтон кыһыҥҥы күрэх буолбута. Маннык куоталаһыыны сыл аайы оҥоробут".

"Sakha drift cup" кубогын күрэхтэрэ сыллата 1500-3000 тиийэ көрөөччүлэри тумэр. Саха сиригэр саамай көстүүлээх, тыҥааһыннаах массыынанан күрэх номнуо өрөспүүбүлүкэ олохтоохторугар сөбүлэттэ.

"Күн бүгүн, тэрийээччилэр этэллэринэн, 20 тахса сайаапка киирбит. Уосайа күрэххэ 50 тахса кыттааччы илин – кэлин түсүһүө. Күрэхтэһии кулун тутар 2 күнүгэр ыытыллыа", - Анастасия Добрянцева