Саха сиригэр мировой юстиция тэриллибитэ 25 сыла

Бу Дьокуускай куорат бүтүн 4 араас нүөмэрдээх суут учаастактарын мировой судуьуйаларын дьиэтэ. Эргэ элбэх кыбартыыралаах олорор дьиэ муннугар кыбыллан олорого күһэллэллэр. Манна күннэтэ элбэх киһи сылдьарыгар сөптөөх усулуобуйа суох. Кыараҕас көрүдүөр, суут саалата, үлэһиттэр кабинеттара. Бэлиэтээн эттэххэ, куорат үрдүнэн мировой судьуйалар бэл Мархаҕа тиийэ 3 араас аадырыһынан үлэлииллэр. Маныаха сотору кэминэн кинилэр бары биир саҥа дьиэҕэ көһөргө бэлэмнэнэллэр. Куорат олохтооҕо Дмитрий Анатольевич гражданскай суукка кэлэн олорор.

Дмитрий, Дьокуускай олохтооҕо: «Саҥа дьиэҕэ киирэллэрэ ордук буоллаҕа. Бу эргэ, тымныы уонна кыараҕас дьиэ».

Быйыл Саха сиригэр мировой юстиция тэриллибитэ 25 сыла. Дьокуускайга үбүлүөйдээх датаны көрсө мировой судьуйалар саҥа дьиэлэниэхтэрэ. Ол курдук куоракка баар 12 суут учаастагын мировой судьуйаларыгар уонна приемнуур канцелярияҕа анаан 5 этээстээх дьиэни көрдүлэр. Бу быһаарыы өрөспүүбүлүкэ Үрдүкү суутун салалалтатын көҕүлээһининэн, Ил Дархан уонна Правительство өйөбүлүнэн олоххо киирдэ.

Алёна Васильева, 48№-дээх суут учаастагын мировой судьуйата: «Мировой судьуйалар дьоҥҥо чугас киһи кыһалҕатын судуругутук түргэнник быһаарар үлэлээхтэр. Ол иһин саҥа дьиэҕэ, куорат ортотугар барыбытын бииргэ түмпүттэрэ олус үөрүүлээх уонна нэһилиэнньэҕэ табыгастаах. Судьуйалар саҥа миэбэллээх киэҥ кабинеттарга олохсуйуохтара, хас биирдии учаастак суут саалалаах буолуо. Приемнай канцелярия бастыкы этээскэ баар буолуо. Үлэбит хаачыстыбата өссө тупсарын, нэһилиэнньэҕэ өссө чугаһыырбытын бэлиэтиэххэ наада».

Саҥа дьиэҕэ аныгы ирдэбилгэ эппиэттир усулуобуйаны олохтуохтара. Холобура, билигин тустаах киһи дьыалатынан аҥардас сайабылыанньа биэрэригэр канцелярияҕа, онтон суут быһаарыытын копиятын ыларыгар туспа архыыпка барыан наада. Онтон мантан инньэ саҥа дьиэҕэ киирдэхтэринэ итинник кыһалҕа суох буолар.

Мария Бандерова, 62№-дээх суут учаастагын мировой судьуйата: «Все это сделано во благо граждан, обращающихся в суд за защитой своих прав и законных интересов. Доступность мировой юстиции имеет большую социальную значимость. Оперативное рассмотрение дел административных правонарушений, уголовных дел».

Бэлиэтээн эттэххэ, бу сыл тохсунньу ыйыттан мировой суукка электроннай докумуоннары биэрии бэрээдэгэр уларытыылар киирдилэр, ол курдук дьон-сэргэ Госуслугалар порталын нөҥүө туттарыахтарын сөп. Оттон билигин саҥа дьиэҕэ өрөмүөн үлэтэ бара турар, кырааскалааһын, ититии ситимин таҥыы, уоту-күөһү тардыы үлэлэрэ.