А.Я. Уваровскай үбүлүөйдээх 225 сыла

Афанасий Уваровскай дьоллоох оҕо сааһа Тулагы -Киллэм ытык сиригэр ааспыта. Онон тустаах нэһилиэк саха тылынан аан маҥнайгы айымньы түөлбэтинэн ааттаныаҕын ааттаныан сөп. Быйыл саха тылыгар сүҥкэн кылаатын киллэрбит киһибит Афанасий Яковлевич Уваровскай 225 сыла.

Быйылгы үбүлүөйдээх сыл чэрчитинэн Тулагы орто оскуолатыгар сылы арыйар Уваровскайга анаммыт улахан тэрээһин ыытыллынна. Оскуола үөрэнээччилэрэ кини олоҕун,үлэтин туһунан кэпсээн, салгыы киниэхэ анаммыт научнай үлэлэри билиһиннэрдилэр. Үбүлүөйдээх тэрээһиҥҥэ Эдьигээнтэн Афанасий Яковлевич эмиэ иккис түөлбэтиттэн бэрэстэбиитэл кэлэн, бэйэтин алгыс тылын эттэ. Эдьигээн улууһугар кини аатын үйэтитэргэ туох үлэ барыахтааҕын сырдатта.

Юрий Михайлов, СӨ ытык сүбэтин чилиэнэ: "Биһиги Уваровскай туһунан ааҕыылары, кини туһунан научнай конференциялары бэйэтигэр даҕына уонна өрөспүүбүлүкэҕэ гуманитарнай чинчийэр институту кытта тэрийэн ыыппыппыт. Увароскай бириэмийэтэ олохтоммута. Ону тэҥэ кыраайы үөрэтэр мухейбытыгар кини аатын иҥэрбиппит. Онон Уваровскай Эдьиҥээн улууһун историятыгар улахан историческай киһибит".

Эдьигээҥҥэ итинник барыллаах үлэ барбыт эбит буоллаҕына,Тулагы-Киллэмҥэ эмиэ үгүс үлэ бара турар. Ол курдук ааспыт сылга киниэхэ анаммыт экспедиция ыытыллыбыта. Ол чэрчитинэн салама салалыы ыйаммыта. Ону бүгүн эмиэ саҥалыы тыыннаатылар.

Изабелла Сидорова, СӨ үөрэҕириитин туйгуна, РФ үөрэҕириитин бочуоттаах үлэһитэ: "Афанасий Яковлевичпытыгар наһаа даҕаны үөрэн, долгуйан кэлбиппит ол экспедицияттан. Тоҕо диэтэххэ Эдьигээн дьоно кыратыттан улаханыгар диэри билиҥээҥҥи диэри улаханнык убаастаан олох убайбыт диэн илдьэ сылдьаллар. Онтон биһиги үөрэбит уонна киэн туттабыт. Биһиги эдьигээттэр курдук, ийэтэ тулагы-Киллэм олохтооҕо буоларынан, үйэлэргэ кини аатын үйэтитиини ситимнээн ыытыахпытын баҕарабыт".

Кини айымньылаах үлэтин, саха дьонугар улахан суолталаах кылаатын, бу күн үүнэн эрэр көлүөнэ биллэ. Тэрээһин олус истиҥник, ис сүрэхтэн ааста.