Дьокуускайга сабыылаах хаҥкылыыр сир арылынна

Аалай лиэнтэ быһыллар. Ил Дархан Айсен Николаев "Звезднай" түөлбэҕэ хаҥкылыыр сири арыйар.

Саҥа арыллыбыт мууска бастакы холоон көрүү нүөмэри фигуристар көрдөрөллөр. Манна дьиҥ бырааһынньыктааҕы сүргэ турар. Оттон бастакы хоккей оонньуутугар арбитр оруолун өрөспүүбүлүкэ баһылыга толорор итиэннэ шайбаны мууска быраҕар.  Улаханныын кыралыын тыҥааһыннаах киирсиини сэҥээрэллэр.

Айсен Николаев, Ил Дархан: «Микрорайон, в котором будут жить более 10 тысяч человек, он получает абсолютно современную, хорошую инфраструктуру. Вдвойне приятно, что перед входом сюда, на открытие катка позвонил Президент Владимир Владимирович Путин. Поздравил всех детей, взрослых и жителей Якутска с таким замечательным событием».

Бу спорт эбийиэгэ "Демография" национальнай бырайыак чэрчитинэн тутуллунна. 5 тыһыынча квадратнай миэтэрэ иэннээх компекс бастакы сылга 840 тахса оҕону хабар соруктаах. Манна барыта 8 көрүҥҥэ дьарык ыытыллыа. 

Леонид Спиридонов, СӨ спорт уонна физическэй култуура миниистэрэ: «Уонна Сахабыт сиригэр уруккаттан сайыннарыахпытын баҕарбыт керлинг диэн көрүҥҥэ аналлаах дорожка арыллар уонна спортивнай многофункциональнай саала баар буолар. Куораппыт олохтоохторо, оҕолорбут манна кэлэн эттэрин-хааннарын сайыннаран чөл олоҕу тутуһан доруобай буолуохтара диэн эрэнэбит».

Ону таһынан доруобуйаны чөлүгэр түһэрэр киин баар буолуо. Манна спордунан дьарыктанааччылар тута миэстэтигэр туһааннаах көмөнү ылыахтара.

Баараҕай спорт комплекса Дьокуускай соҕуруу өттүн бүтүннүү хааччыйар. Арыллыыга кэлбит "Звезднай" түөлбэ олохтоохторо саҥа эбийиэк кыаҕын сыаналаатылар. 

Саҥа арыллыбыт каток аны биир нэдиэлэнэн толору үлэтин саҕалыа. Нэһилиэнньэ аанын тэлэччи арыйыа.